பயணிகள் எண்ணிக்கை இரு மடங்காக உயர்வு!

கூடுதல் ரயில்கள் இயக்கப்படுமா?

- வ.ஜெயபாண்டி

சென்னை, செப். 7: சென்னையைத் தலைமை இடமாகக் கொண்டு செயல்படும் தெற்கு ரயில்வே மண்டலத்துக்குட்பட்ட ரயில்களில் பயணம் செய்வோர் எண்ணிக்கை கடந்த 4 ஆண்டுகளில் இரண்டு மடங்காக உயர்ந்துள்ளது.

2021-22-இல் சுமார் 33 கோடியாக இருந்த பயணிகள் எண்ணிக்கை 2024-25-இல் 73 கோடியாக அதிகரித்துள்ளது.

நாட்டில் ரயில்வே துறை 15 மண்டலங்களாகப் பிரிக்கப்பட்டுள்ளது. அதில் சென்னையைத் தலைமை இடமாகக் கொண்ட தெற்கு மண்டலம் 6 கோட்டங்களாகப் பிரிக்கப்பட்டுள்ளது.

அதன்படி, சென்னை, திருச்சி, மதுரை, சேலம், திருவனந்தபுரம், பாலக்காடு ரயில்வே கோட்டங்கள் தமிழகம், கேரளம், கர்நாடகம் எனும் மூன்று மாநிலப் பகுதிகளையும், புதுச்சேரி யூனியன் பிரதேசத்தையும் உள்ளடக்கியுள்ளன.