நாடாளுமன்ற மழைக்காலக் கூட்டத் தொடர் நிறைவு

நாடாளுமன்ற மழைக்காலக் கூட்டத் தொடரின் கடைசி நாளான வியாழக்கிழமையன்று பிகார் வாக்காளர் பட்டியல் சிறப்புத் தீவிரத் திருத்தம் குறித்து விவாதம் நடத்தக் கோரி, எதிர்க்கட்சிகள் அமளியில் ஈடுபட்டதால் அலுவல்கள் பாதிக்கப்பட்டன.

- 

புது தில்லி, ஆக. 21: பின்னர், இரு அவைகளும் தேதி குறிப்பிடப்படாமல் ஒத்திவைக்கப்பட்டன.

மழைக்காலக் கூட்டத் தொடர் கடந்த ஜூலை 21-ஆம் தேதி தொடங்கியதிலிருந்தே பிகார் வாக்காளர் பட்டியல் திருத்த விவகாரத்தை முன்வைத்து, எதிர்க்கட்சிகள் தொடர் அமளியில் ஈடுபட்டன.

பாகிஸ்தான் பயங்கரவாதத் தாக்குதல் மற்றும் ஆபரேஷன் சிந்தூர் நடவடிக்கை குறித்து மக்களவை மற்றும் மாநிலங்களவையில் தலா 16 மணி நேர விவாதம் (ஜூலை 28-30) நடைபெற்றது. மக்களவையில் பிரதமர் மோடியும், மாநிலங்களவையில் உள்துறை அமைச்சர் அமித் ஷாவும் விவாதத்துக்குப் பதிலளித்தனர்.

தினமும் இடையூறுகள்: இந்த விவாதம் தவிர மற்ற நேரங்களில் எதிர்க்கட்சிகளின் அமளியால் வழக்கமான அலுவல்கள் முடங்கின. இரு அவைகளிலும் கிட்டத்தட்ட தினமும் இடையூறுகள் காணப்பட்டன.