பணக்காரர்களை மேலும் பணக்காரர்களாக்கும் மோடி அரசு

'எஃப் அண்ட் ஓ' பங்குச்சந்தையில் பெரிய நிறுவனங்கள் செய்யும் முறைகேடுகள் குறித்து மௌனம் சாதிக்கும் மோடி அரசு, பணக்காரர்களை மேலும் பணக்காரர்களாக்கி வருவதாக மக்களவை எதிர்க்கட்சித் தலைவர் ராகுல் காந்தி திங்கள்கிழமை விமர்சித்தார்.

- 

புது தில்லி, ஜூலை 7:

இத்தகைய முறைகேடுகளின் மூலம், சாதாரண சில்லறை முதலீட்டாளர்கள் அழிவின் விளிம்புக்குத் தள்ளப்படுவதாகவும் அவர் குற்றஞ்சாட்டினார்.

இதுதொடர்பாக ராகுல் காந்தி வெளியிட்ட எக்ஸ் பதிவில் குறிப்பிட்டுள்ளதாவது: 'எஃப் அண்ட் ஓ' (ஊகப்பேரம்) பங்குச்சந்தையில் நடைபெறும் முறைகேடுகள் குறித்து கடந்த ஆண்டிலேயே நான் கூறியிருந்தேன். இந்தச் சந்தை பெரிய நிறுவனங்களின் களமாகிவிட்டது. அவர்களின் முறைகேடுகளால் சிறிய முதலீட்டாளர்களின் பணம் தொடர்ந்து சுரண்டப்படுகிறது.