காஸாவில் உணவுப் பொருள் விநியோகம் நிறுத்தம்

காஸாவில் உணவுப் பொருள் விநியோக மையங்களுக்குச் செல்வோர் மீது இஸ்ரேல் படையினர் துப்பாக்கிச் சூடு நடத்துவதன் எதிரொலியாக அந்த விநியோகப் பணிகளை அமெரிக்கா ஆதரவு பெற்ற காஸா மனிதாபிமான அறக்கட்டளை (ஜிஹெச்எஃப்) நிறுத்தி வைத்துள்ளது.

- 

டேயர் அல்-பாலா, ஜூன் 4:

இது குறித்து அந்த அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது:

நிவாரண மையங்களுக்கு வருவோருக்கான இன்னும் சிறப்பான வழிகாட்டுதல்களை உருவாக்குவது குறித்து இஸ்ரேல் ராணுவத்துடன் ஆலோசித்து வருகிறோம். அதுவரை உணவுப் பொருள்கள் விநியோகம் நிறுத்தி வைக்கப்படுகிறது என்று அந்த அறிக்கையில் தெரிவிக்கப்பட்டுள்ளது.