பாகிஸ்தான் தொடர்ந்து யாசிப்பதை நட்பு நாடுகள் விரும்பாது

பிரதமர் ஷாபாஸ் ஷெரீஃப்

- 

இஸ்லாமாபாத், ஜூன் 2: பாகிஸ்தான் தொடர்ந்து தங்களிடம் யாசகப் பாத்திரம் ஏந்தி வருவதை சீனா, சவூதி அரேபியா உள்ளிட்ட நட்பு நாடுகள் விரும்பாது என்று அந்நாட்டு பிரதமர் ஷாபாஸ் ஷெரீஃப் தெரிவித்தார்.

பாகிஸ்தானின் பலூசிஸ்தான் பகுதியில் குவெட்டா நகரில் உள்ள ராணுவக் கல்லூரியில் நடைபெற்ற நிகழ்ச்சியில் ராணுவ அதிகாரிகள் மத்தியில் அவர் பேசியதாவது:

பாகிஸ்தானின் மிக முக்கியமான நடப்பு நாடாக சீனா திகழ்கிறது. அதேபோல சவூதி அரேபியாவும் மிகவும் நம்பிக்கைக்குரிய நட்பு நாடாக உள்ளது. துருக்கி, கத்தார், ஐக்கிய அரபு அமீரகம் ஆகிய நாடுகளும் மிகவும் நெருங்கிய நட்பு நாடுகளாக உள்ளன.

பாகிஸ்தானும் நமக்கு சமமான நாடாக இருக்க வேண்டும் என்றுதான் நட்பு நாடுகள் விரும்புகின்றன. நிதி உதவிக்காக நாம் தொடர்ந்து அந்நாடுகளைச் சார்ந்திருப்பது தவிர்க்கப்பட வேண்டும்.