எல்லைப் பகுதி, விமான நிலையங்கள் பாதுகாப்பு: அமித் ஷா ஆய்வு

நாட்டின் பாதுகாப்பு நிலவரம் குறித்து முப்படைகளின் தலைமைத் தளபதிகளுடன் பிரதமர் மோடி வெள்ளிக்கிழமை ஆலோசனை நடத்தினார்.

- 

புது தில்லி, மே 9:

பயங்கரவாதிகளுக்கு எதிரான 'ஆபரேஷன் சிந்தூர்' நடவடிக்கையைத் தொடர்ந்து இந்திய ராணுவ நிலைகளை குறிவைத்து டிரோன்கள், ஏவுகணைகள் மூலம் பாகிஸ்தான் நடத்திவரும் தாக்குதலை முறியடித்து இந்தியா பதில் தாக்குதல் நடத்திவரும் நிலையில் பிரதமர் மோடி தலைமையில் உயர்நிலை ஆலோசனைக் கூட்டம் நடைபெற்றது.

இதில் பாதுகாப்புத் துறை அமைச்சர் ராஜ்நாத் சிங், தேசிய பாதுகாப்பு ஆலோசகர் அஜீத் தோவல், முப்படைத் தளபதி அனில் சௌஹான், ராணுவ தலைமைத் தளபதி உபேந்திர திவிவேதி, விமானப் படை தலைமைத் தளபதி ஏ.பி.சிங், கடற்படை தலைமைத் தளபதி தினேஷ் திரிபாதி ஆகியோர் பங்கேற்றனர்.

முன்னாள் வீரர்களுடன் சந்திப்பு: முப்படைகளின் முன்னாள் தளபதிகள், முன்னாள் ராணுவ வீரர்களுடனும் பிரதமர் மோடி வெள்ளிக்கிழமை விரிவான ஆலோசனை நடத்தினார்.