தமிழகத்தில் அரசியல் ரீதியாக கலாசார படுகொலை

தமிழகத்தில் தற்போது அரசியல் ரீதியாக கலாசார படுகொலை அரங்கேறி வருவதாக ஆளுநர் ஆர்.என்.ரவி குற்றஞ்சாட்டினார்.

- 

திருப்பரங்குன்றம், ஏப். 12: தமிழகத்தில் தற்போது அரசியல் ரீதியாக கலாசார படுகொலை அரங்கேறி வருவதாக ஆளுநர் ஆர்.என்.ரவி குற்றஞ்சாட்டினார்.

கல்விக் கூடங்களில் கம்பர் என்ற தலைப்பில் பள்ளி, கல்லூரி மாணவ, மாணவிகளுக்கிடையே மாநில அளவில் நடைபெற்ற பேச்சுப் போட்டி பரிசளிப்பு விழா மதுரை தியாகராஜர் பொறியியல் கல்லூரியில் சனிக்கிழமை நடைபெற்றது.

விழாவுக்குத் தலைமை வகித்து ஆளுநர் ஆர்.என். ரவி பேசியதாவது: கம்ப ராமாயணம் தமிழர்களின் கலாசாரம், அடையாளத்தின் பிரதிபலிப்பாகும். ராமாயணம் காவி யம் மட்டுமல்ல, தமிழ் கலாசாரத்துக்கு உருவம் கொடுப்பது. அறிவு சார் பரிணாம வளர்ச்சியைத்தான் இலக்கியங்கள் குறிப்பிடுகின்றன.

கம்ப ராமாயணம் தமிழக எழுத்தாளர்களுக்கு மட்டும் உள்ளெழுச்சியை ஊட்டவில்லை. நாடெங்கும் இருக்கும் பல்வேறு படைப்பாளிகளுக்கும், கவிஞர்களுக்கும் எழுச்சியையும், உத்வேகத்தையும் அளிக்கிறது.

தமிழ் இசையின் ஆன்மா வாக விளங்கக் கூடியது கர்நாடக இசை. கர்நாடக இசையை ராமன் இல்லாமல் நாம் கற்பனை செய்து பார்க்க முடியாது. சாமானியர்களின் மனதில் ராமனை இடம் பெறச் செய்தது கம்பனும் கம்ப ராமாயணமும்தான். இதே போல, நாட்டியத்திலும் கம்பரசம் தோய்ந்துள்ளது. நாடகத்திலும், தெருக் கூத்திலும் ராமாயணம் பரவியுள்ளது.