மக்களவையில் வக்ஃப் மசோதா தாக்கல்

‘வக்ஃப் சட்டத் திருத்த மசோதா-2025 மக்களவையில் புதன்கிழமை தாக்கல் செய்யப்பட்டது.

- 

புது தில்லி, ஏப். 2: ‘வக்ஃப் சட்டத் திருத்த மசோதா-2025 மக்களவையில் புதன்கிழமை தாக்கல் செய்யப்பட்டது.

அதைத் தொடர்ந்து நள்ளிரவு வரை நீடித்த விவாதத்தில், மசோதாவுக்கு ஆதரவாக ஆளும் தரப்பினரும், ஆட்சேபம் தெரிவித்து எதிர்க்கட்சிகளும் கருத்து மோதலில் ஈடுபட்டதால் விவாதத்தில் அனல் பறந்தது.

நாடு முழுவதும் வக்ஃப் சொத்துகளை ஒழுங்குபடுத்துதல் மற்றும் நிர்வாகத்தில் உள்ள சிக்கல்களுக்கு தீர்வுகாணும் நோக்கில், கடந்த 1995-ஆம் ஆண்டின் வக்ஃப் சட்டத்தில் திருத்தங்கள் மேற்கொள்ளும் மசோதா மற்றும் முஸ்லிம் வக்ஃப் (ரத்து) மசோதா-2024 ஆகிய இரு மசோதாக்களையும் எதிர்க்கட்சிகளின் எதிர்ப்புக்கு இடையே மத்திய சிறுபான்மையினர் விவகாரங்கள் துறை அமைச்சர் கிரண் ரிஜிஜு மக்களவையில் புதன்கிழமை தாக்கல் செய்தார். விவாதம் மற்றும் நிறைவேற்றுவதற்காக இந்த மசோதாக்கள் தாக்கல் செய்யப்பட்டன.