நில நிர்வாக சவால்களை எதிர்கொள்வது குறித்த சர்வதேச பயிலரங்கு தில்லியில் நாளை தொடக்கம்

உலக அளவில் நில நிர்வாகத்தில் உள்ள சவால்களை எதிர்கொள்ள புதுமையான அணுகுமுறைகளை ஆராய்வதற்காக பஞ்சாயத்து ராஜ் அமைச்சகம் ஏற்பாடு செய்துள்ள 6 நாள் சர்வதேச பயிலரங்கம் தில்லி குருகிராமில் திங்கள்கிழமை (மார்ச் 24) தொடங்குகிறது.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 22:

22 நாடுகளைச் சேர்ந்த பிரதிநிதிகள் பங்கேற்கும் இந்தப் பயிலரங்கு குறித்து அந்த அமைச்சகம் சனிக்கிழமை தெரிவித்திருப்பது வருமாறு: உலகளாவிய நிலச் சவால்களைச் சமாளிக்க தில்லி குருகிராமில் உள்ள ஹரியாணா பொது நிர்வாக நிறுவன வளாகத்தில், நில நிர்வாகத்திற்கான 6 நாள் சர்வதேச பயிலரங்கு மார்ச் 24-ஆம் தேதி தொடங்குகிறது. பஞ்சாயத்து ராஜ் அமைச்சகம், வெளியுறவு அமைச்சகத்தின் இந்திய தொழில்நுட்ப மற்றும் பொருளாதார ஒத்துழைப்பு திட்டத்தின்கீழ், இந்த நில ஆளுகைக்கான சர்வதேச பயிலரங்கை நடத்துகிறது.