தருமபுரி சிப்காட் தொழிற்பேட்டையில் புதிய நிறுவனங்களுக்கு அனுமதி

தருமபுரி சிப்காட் தொழிற்பேட்டையில் புதிய தொழில் நிறுவனங்கள் அமைக்க சுற்றுச்சூழல் துறை அனுமதி அளித்துள்ளதையடுத்து விரைவில் அந்நிறுவனங்களின் கட்டுமானப் பணிகள் தொடங்கும் என எதிர்பார்க்கப்படுகிறது.

- 

தருமபுரி, ஆக. 6:

தருமபுரி மாவட்டம் தொழில் வளர்ச்சியில் பின்தங்கியிருப்பதால் ஓசூர், திருப்பூர், கோவை, கரூர் போன்ற தமிழக மாவட்டங்களுக்கும், கர்நாடகத்துக்கும் ஏராளமானோர் வேலைதேடி செல்கின்றனர். மாவட்டத்தின் தொழில் வளத்தை மேம்படுத்தவும், வேலைவாய்ப்பு அளிக்கவும் தருமபுரியில் சிப்காட் தொழிற்பேட்டை அமைக்க வேண்டும் என பொதுமக்கள் கோரிக்கை விடுத்துவந்தனர்.

இந்த நிலையில் தருமபுரியில் சிப்காட் தொழிற்பேட்டை அமைக்கப்படும் என அரசு அறிவித்தது. இதற்காக இரு கட்டங்களாக நிலம் தேர்வு செய்யும் பணிகள் நடைபெற்றன.