நீதிபதி யஷ்வந்த் வர்மா மீது எஃப்ஐஆர் கோரிய மனு அவசர வழக்காக ஏற்க உச்சநீதிமன்றம் மறுப்பு

நீதிபதி யஷ்வந்த் வர்மா வீட்டில் இருந்து கட்டுக்கட்டாக பணம் கண்டறியப்பட்ட விவகாரத்தில் அவர் மீது காவல் துறையினர் முதல் தகவல் அறிக்கை (எஃப்ஐஆர்) பதிவு செய்ய உத்தரவிடக் கோரி தாக்கல் செய்யப்பட்ட மனுவை அவசர வழக்காக விசாரிக்க உச்சநீதிமன்றம் திங்கள்கிழமை மறுத்துவிட்டது.

- 

புது தில்லி, ஜூலை 21:

இது தொடர்பாக வழக்குரைஞர் மேத்யூஸ் நெடும்புரா மனு தாக்கல் செய்திருந்தார். இந்த விவகாரத்தில் அவர் தாக்கல் செய்யும் மூன்றாவது மனு இதுவாகும். மனு உச்சநீதிமன்றத் தலைமை நீதிபதி பி.ஆர்.கவாய், நீதிபதிகள் கே.வினோத் சந்திரன் ஆகியோர் அடங்கிய அமர்வு முன் பரிசீலனைக்கு வந்தது.