மனநல சிகிச்சைக்குப் பிறகு சொந்த ஊருக்கு அனுப்பிவைக்கப்பட்ட வட மாநிலத்தவர்கள்

கிருஷ்ணகிரியில் மனநல சிகிச்சைக்குப் பிறகு, வட மாநிலத்தைச் சேர்ந்த இருவர் அவர்களது ஊருக்கு சனிக்கிழமை அனுப்பி வைக்கப்பட்டனர்.

- 

கிருஷ்ணகிரி, ஜூலை 5:

கிருஷ்ணகிரி நகரில் செயல்படும் அரசு மருத்துவக் கல்லூரி மருத்துவமனை வளாகத்தில், ஆதரவற்றோருக்கான மனநல காப்பகம் செயல்பட்டு வருகிறது. கடந்த ஓராண்டாக செயல்பட்டு வரும் இந்த காப்பகத்தில், 55 மனநலம் பாதிக்கப்பட்டோருக்கு சிகிச்சை அளிக்கப்பட்டு வந்தது. அதில் முழு மனநலம் பெற்ற 36 பேர், அவர்களது குடும்பத்துடன் சேர்க்கப்பட உள்ளனர்.