ஏற்றத்தாழ்வுகளை நீக்கும் ‘டிஜிட்டல் இந்தியா’

பிரதமர் மோடி பெருமிதம்

- 

புது தில்லி, ஜூலை 1: இருப்பவர்களை இல்லாதவர்களுக்கிடையிலான ஏற்றத்தாழ்வுகளை நீக்கி, வாய்ப்புகளை ஜனநாயகமயமாக்கும் கருவியாக விளங்குகிறது ‘டிஜிட்டல் இந்தியா’ திட்டம் என்று பிரதமர் நரேந்திர மோடி தெரிவித்தார்.

மத்தியில் ஆளும் தேசிய ஜனநாயகக் கூட்டணி அரசின் லட்சியத் திட்டங்களில் ஒன்றான ‘டிஜிட்டல் இந்தியா’ 10 ஆண்டுகள் நிறைவையொட்டி, பிரதமர் இவ்வாறு பெருமிதத்துடன் குறிப்பிட்டார்.

நாட்டில் இணைய உள்கட்டமைப்பை மேம்படுத்தி, பொது மக்களுக்கு மின்னணு முறையில் சேவைகளை உறுதி செய்யும் டிஜிட்டல் இந்தியா திட்டம் கடந்த 2015, ஜூலை 1-ஆம் தேதி தொடங்கப்பட்டது.

இந்தத் திட்டம் தொடங்கப்பட்டு, வெற்றிகரமாக 10 ஆண்டுகள் நிறைவடைந்த நிலையில், பிரதமர் மோடி சமூக ஊடகத்தில் கட்டுரை ஒன்றை எழுதியுள்ளார். அதில் அவர் கூறியிருப்பதாவது: