கிருஷ்ணகிரியில் 31 ஆவது மாங்கனி கண்காட்சி

அமைச்சர் அர.சக்கரபாணி தொடங்கிவைத்தார்

- 

ஒசூர், ஜூன் 21: கிருஷ்ணகிரியில் 31 ஆவது அகில இந்திய மாங்கனி கண்காட்சியை உணவு மற்றும் உணவுப் பொருள் வழங்கல் துறை அமைச்சர் அர.சக்கரபாணி சனிக்கிழமை தொடங்கிவைத்தார்.

விழாவுக்கு மாவட்ட ஆட்சியர் ச.தினேஷ்குமார் தலைமை வகித்தார். சட்டப்பேரவை உறுப்பினர்கள் தே.மதியழகன் (பர்கூர்), ஒய். பிரகாஷ் (ஒசூர்), டி.ராமச்சந்திரன் (தளி) ஆகியோர் முன்னிலை வகித்தனர்.

விழாவில் 259 பயனாளிகளுக்கு ரூ.2.52 கோடி மதிப்பிலான நலத்திட்ட உதவிகளை வழங்கி, முதல்வர் மு.க.ஸ்டாலின் தலைமையிலான அரசு நான்காண்டு நிறைவையொட்டி அரசின் சாதனை மலரை வெளியிட்டு அமைச்சர் பேசியதாவது:

வேளாண் வளர்ச்சிக்கு முதல்வர் மு.க.ஸ்டாலின் பல்வேறு திட்டங்களை செயல்படுத்தி வருகிறார்.

தோட்டக்கலைத் துறை மூலம் கிருஷ்ணகிரி மாவட்டத்தில் 1,02,000 ஹெக்டேரில் தோட்டக்கலைப் பயிர்கள் சாகுபடி செய்யப்படுகிறது. இதில் 40,070 ஹெக்டேரில் காய்கறிகளும், 33,550 ஹெக்டேரில் பழப்பயிர்களும், 11,363 ஹெக்டேரில் மலர்களும் சாகுபடி செய்யப்படுகின்றன.