தமிழகத்தில் அடுத்து கூட்டணி ஆட்சிதான்

தமிழகத்தில் அடுத்து கூட்டணி ஆட்சிதான் அமையும், அதற்கான சாத்தியம் உள்ளது என்றார் தேமுதிக பொதுச் செயலர் பிரேமலதா விஜயகாந்த்.

- 

கரூர், ஜூன் 9:

கரூரில் திங்கள்கிழமை செய்தியாளர்களிடம் அவர் கூறியதாவது, ஒரு கட்சி தனித்து நிற்க முடியும் என்ற பார்முலாவை உருவாக்கியவர் விஜயகாந்த். இப்போது சீமான் தனித்துதான் நிற்பார். விஜய்யின் நிலைபாடு என்னவென்று சொல்லவில்லை.

தனித்து நின்றால் வாக்குகள் பிரியுமே தவிர, மக்களுக்கு நல்லது கிடைக்கப் போவதில்லை. 2026 தேர்தலில் போட்டியிடுவது மட்டுமே எங்கள் இலக்கு அல்ல. வெற்றிபெற்று அதிக பலத்துடன் சட்டப்பேரவைக்கு செல்வது தான் நோக்கம்.