தமிழகத்தில் நடைமுறையில் உள்ள விபத்து இலவச சிகிச்சை திட்டம்

3 ஆண்டுகளில் 3.57 லட்சம் பேர் பயன்

- 

புது தில்லி, மே 6: நாடு முழுவதும் சாலை விபத்தில் சிக்குபவர்களுக்கு கட்டணமில்லா சிகிச்சை அளிப்பதற்கான திட்டத்தை மத்திய அரசு அறிமுகம் செய்துள்ளது.

அடுத்த ஒரு வாரத்துக்குள்ளாக இந்தத் திட்டத்தை அறிமுகம் செய்ய வேண்டும் என்று உச்சநீதிமன்றம் கடந்த வாரம் உத்தரவிட்டிருந்த நிலையில், அதற்கான அறிவிக்கையை மத்திய அரசு செவ்வாய்க்கிழமை வெளியிட்டது.

மத்திய சாலைப் போக்குவரத்து மற்றும் நெடுஞ்சாலைகள் துறை அமைச்சகம் வெளியிட்ட இந்த அறிவிக்கையில் கூறியிருப்ப தாவது:

சாலை விபத்துகளில் சிக்குபவர்களுக்கு கட்டணமில்லா சிகிச்சை அளிக்கும் திட்டம் 2025 நாடு முழுவதும் அமலுக்கு வந்துள்ளது. இதன்படி, நாடு முழுவதும் உள்ள எந்தவொரு சாலையிலும் மோட்டார் வாகன விபத்தில் சிக்கி பாதிக்கப்படுபவர்கள், இத்திட்டத்தின் கீழ் முதல் 7 நாள்களுக்கு அங்கீகரிக்கப்பட்ட மருத்துவமனை களில் அதிகபட்சம் ரூ. 1.5 லட்சம் மதிப்பிலான கட்டணமில்லா சிகிச்சையைப் பெற முடியும்.

சாலை விபத்துகளில் சிக்குபவர்களுக்கு உயிர் காக்கும் நேரத்துக்குள் சிகிச்சை கிடைப்பது தாமத மாவதால் ஏற்படும் உயிரிழப்புக ளைக் குறைக்கும் நோக்கத்துடன் இத் திட்டம் அறிமுகம் செய்யப்பட்டுள்ளது.