கிருஷ்ணகிரி மாவட்டத்தில் 4000 பேருக்கு இலவச வீட்டுமனை பட்டா

கிருஷ்ணகிரி மாவட்டத்தில் ஆட்சேபணை இல்லாத நிலங்களில் வசிக்கும் 4,000 பேருக்கு இலவச வீட்டுமனைப் பட்டா வழங்கப்படவுள்ளது என்று மாவட்ட ஆட்சியர் ச.தினேஷ்குமார் தெரிவித்தார்.

- 

கிருஷ்ணகிரி, மார்ச் 12:

வரட்டனப்பள்ளி கிராமத்தில் புதன்கிழமை நடைபெற்ற மக்கள் தொடர்பு திட்ட முகாமில் 140 பயனாளிகளுக்கு ரூ. 26.87 லட்சம் மதிப்பிலான நலத்திட்ட உதவிகள் வழங்கப்பட்டன.

பர்கூர் வட்டம், வரட்டனப்பள்ளி கிராமத்தில் மக்கள் தொடர்பு திட்ட முகாம் ஆட்சியர் ச.தினேஷ்குமார் தலைமையில் புதன்கிழமை நடைபெற்றது. பர்கூர் எம்எல்ஏ தே.மதிழகன் முன்னிலை வகித்தார். நிகழ்ச்சியில் 140 பயனாளிகளுக்கு ரூ. 26.87 லட்சம் மதிப்பிலான நலத்திட்ட உதவிகளை கிருஷ்ணகிரி மாவட்ட ஆட்சியர் ச.தினேஷ்குமார் வழங்கிப் பேசியதாவது:

தமிழகம் முழுவதும் ஆட்சேபணை இல்லாத நிலங்களில் 5 வருடங்களுக்கு மேல் வசிக்கும் 89,000 நபர்களுக்கு இலவச வீட்டுமனைப் பட்டா வழங்கப்படும் என்று முதல்வர் அறிவித்திருந்தார். அதன்படி கிருஷ்ணகிரி மாவட்டத்தில் மட்டும் 4,000 பேருக்கு இலவச வீட்டுமனைப் பட்டா வழங்கப்படவுள்ளது.