தனியார் மருத்துவமனை மருந்தகங்களில் அதிக விலைக்கு மருந்துகள் விற்பனை

தனியார் மருத்துவமனைகளுக்குள் அமைக்கப்பட்டிருக்கும் மருந்தகங்களில் வெளிச்சந்தையைவிட அதிக விலைக்கு மருந்துகள் விற்பனை செய்யப்படும் விவகாரம் தொடர்பாக உரிய நடவடிக்கை எடுக்க மாநில அரசுகள் கொள்கை முடிவை எடுக்க வேண்டும் என உச்சநீதிமன்றம் அறிவுறுத்தியது.

- 

புது தில்லி, மார்ச் 4:

சட்ட மாணவர் சித்தார்த் டால்மியா மற்றும் அவருடைய தந்தையும் வழக்கறிஞருமான விஜய் பால் டால்மியா சார்பில் உச்சநீதிமன்றத்தில் பொதுநல மனு தாக்கல் செய்யப்பட்டது. அதில், தனியார் மருத்துவமனைகளின் உள்ளேயே அமைக்கப்பட்டிருக்கும் மருந்தகங்களில் மிக அதிக விலை கொடுத்து மருந்துகளையும், மருத்துவ உபகரணங்களையும் நோயாளிகளும் அவரது உறவினர்களும் வாங்க கட்டாயப்படுத்தப்படுகின்றனர்.