நலம் காக்கும் ஸ்டாலின்: திட்ட மருத்துவ முகாம்

நாகை, மயிலாடுதுறை, திருவாரூர் மாவட்டங்களில்

- 

சீர்காழி/ திருமருகல்/ திருத்துறைப்பூண்டி செப். 13: சீர்காழி அருகே புத்தூர், திருமருகல் மற்றும் திருத்துறைப்பூண்டியில் 'நலம் காக்கும் ஸ்டாலின்' திட்ட மருத்துவ முகாம் சனிக்கிழமை நடைபெற்றது.

மருத்துவம் மற்றும் மக்கள் நல்வாழ்வுத் துறை சார்பில் நடைபெற்ற இம்முகாம்களில், பொது மருத்துவம், பொது அறுவை சிகிச்சை, எலும்பியல் மருத்துவம், மகப்பேறியியல், மகளிர் மருத்துவம், குழந்தை மருத்துவம், இருதயவியல், நரம்பியல் மருத்துவம், தோல் மருத்துவம், பல் மருத்துவம், கண் மருத்துவம், காது மூக்கு தொண்டை மருத்துவம், மனநல மருத்துவம், இயன்முறை மருத்துவம், நுரையீரல் மருத்துவம் உள்ளிட்ட மருத்துவ சேவைகளும் மற்றும் இந்திய மருத்துவம் சார்ந்த ஆலோசனைகளும் சிறப்பு மருத்துவ நிபுணர்களால் வழங்கப்பட்டன.