அரசு கலை, அறிவியல் கல்லூரிகளில் சேர்க்கை: மே 27 வரை விண்ணப்பிக்கலாம்

தமிழகத்தில் அரசு கலை, அறிவியல் கல்லூரிகளில் மாணவர் சேர்க்கைக்கு இணையவழியில் மே 27-ஆம் தேதி வரை விண்ணப்பிக்கலாம்.

- 

சென்னை, மே 7:

தமிழகத்தில் 176 அரசு கலை, அறிவியல் கல்லூரிகள் செயல்பட்டு வருகின்றன. இந்தக் கல்லூரிகளில் 159 பாடப்பிரிவுகளில் 1,25,345 சேர்க்கை இடங்கள் உள்ளன. இந்த நிலையில், இந்தக் கல்லூரிகளில் நிகழாண்டு மாணவர்கள் விண்ணப்பம் செய்வதற்கான இணையதள பதிவை உயர்கல்வித் துறை அமைச்சர் கோவி.செழியன் புதன்கிழமை தொடங்கி வைத்தார்.

இதையடுத்து சேர்க்கை பெற விரும்பும் மாணவர்கள் https://www.tngasa.in என்ற முகவரியில் மே 27 வரை விண்ணப்பிக்கலாம். அப்போது, விண்ணப்பக் கட்டணம், கல்லூரி மற்றும் பாடப்பிரிவு தேர்வு, அச்சிடும் விண்ணப்பம் ஆகியவற்றை இணையவழியிலேயே மேற்கொள்ள வேண்டும்.