‘ஆபரேஷன் சிந்தூர்’: தமிழக, புதுவை ஆளுநர்கள், முதல்வர்கள், தலைவர்கள் வரவேற்பு

பாகிஸ்தானுக்கு எதிரான இந்திய ராணுவத்தின் ‘ஆபரேஷன் சிந்தூர்’ நடவடிக்கைக்கு ஆளுநர் ஆர்.என்.ரவி, முதல்வர் மு.க. ஸ்டாலின் மற்றும் தலைவர்கள் வரவேற்றுள்ளனர்.

- 

சென்னை, மே 7:

ஆளுநர் ஆர்.என்.ரவி: ‘பாரத தாய் வாழ்க!’ ஆபரேஷன் சிந்தூர் - இது தொடக்கம்தான்.

புதுவை துணைநிலை ஆளுநர் கே.கைலாஷ்நாதன்: பாகிஸ்தான் ஆதரவு பயங்கரவாத செயல்களுக்கு எதிரான இந்தத் தாக்குதல் வெற்றிகரமாக நடத்தப்பட்டுள்ளது. இந்திய அரசு மேற்கொள்ளும் அனைத்து நடவடிக்கைகளுக்கும் புதுவை அரசு துணை நிற்கும்.

முதல்வர் மு.க.ஸ்டாலின்: தீவிர வாதத்துக்கு எதிரான போரில் தமிழ்நாடு இந்திய ராணுவத்துடன் நிற்கிறது. நமது ராணுவத்தினருடன், நாட்டுக்காக, தமிழ்நாடு உறுதியாக நிற்கிறது.

புதுவை முதல்வர் என்.ரங்கசாமி: காஷ்மீர் பஹல்காமில் நடந்த பயங்கரவாதத் தாக்குதலுக்கு இந்திய ராணுவம் தகுந்த பதிலடி கொடுத்துள்ளது. இதற்காக பிரதமருக்கும், இந்திய ராணுவத்துக்கும் முதல்வர் மற்றும் புதுவை மக்கள் சார்பில் பாராட்டுகள்.