2024-25: மந்தமான வளர்ச்சி கண்ட டீசல் விற்பனை

இந்தியாவில் அதிகம் பயன்படுத்தப்படும் பெட்ரோலியப் பொருளான டீசலின் விற்பனை, கடந்த 2024-25-ஆம் நிதியாண்டில் வெறும் 2 சதவீதம் என்ற மந்தமான வளர்ச்சியைக் கண்டுள்ளது.

- 

புது தில்லி, ஏப். 14:

இது குறித்து எண்ணெய்த் துறை அமைச்சகத்தின் பெட்ரோலிய திட்டம் மற்றும் பகுப்பாய்வுப் பிரிவு திங்கள்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த மார்ச் 31-ஆம் தேதியுடன் நிறைவடைந்த 2024-25-ஆம் நிதியாண்டில் நாட்டின் டீசல் விற்பனை 9.14 கோடி டன்னாக இருந்தது. இது, முந்தைய 2023-24-ஆம் நிதியாண்டுடன் ஒப்பிடுகையில் வெறும் 2 சதவீதம் மட்டுமே அதிகம். கரோனா நெருக்கடிக்குப் பிறகு நாட்டில் டீசல் விற்பனை இவ்வளவு மந்தமான வருடாந்திர வளர்ச்சியைக் கண்டுள்ளது. இதுவே முதல்முறை.

லாரிகள் மற்றும் விவசாய இயந்திரங்களில் பயன்படுத்தப்படும் டீசலின் வருடாந்திர விற்பனை வளர்ச்சி முந்தைய 2023-24-ஆம் நிதியாண்டில் 4.3 சதவீதமாகவும், அதற்கு முந்தைய 2022-23-ஆம் நிதியாண்டில் 12.1 சதவீதமாகவும் இருந்தது.