'மாணவர்களின் குரல்' போராட்ட இயக்கத்தை வலுப்படுத்த வேண்டும்

நாட்டில் அனைவருக்கும் சமமான வாய்ப்பை உறுதி செய்யும் புதிய கல்விமுறையை வலியுறுத்தி, காங்கிரஸ் இளைஞரணி மற்றும் மாணவரணி சார்பில் தொடங்கப்பட்டுள்ள 'மாணவர்களின் குரல்' போராட்ட இயக்கத்தை வலுப்படுத்த வேண்டுமென கட்சியின் பொதுச் செயலர்கள், மாநிலத் தலைவர்கள், நிர்வாகிகளுக்கு மக்களவை எதிர்க்கட்சித் தலைவர் ராகுல் காந்தி கடிதம் எழுதியுள்ளார்.

- 

இளநிலை மருத்துவப் படிப்புகளுக்கான நீட் தேர்வு வினாத்தாள் கசிவு, மத்திய இடைநிலைக் கல்வி வாரியத்தின் 12-ஆம் வகுப்பு தேர்வு மதிப்பீட்டு முறையில் எழுந்த சர்ச்சை உள்ளிட்ட விவகாரங்களை முன்வைத்து, மத்திய அரசுக்கு எதிராக காங்கிரஸ் இளைஞரணி மற்றும் மாணவரணியான இந்திய தேசிய மாணவர் சங்கம் சார்பில் 'மாணவர்களின் குரல்' என்ற போராட்ட இயக்கம் கடந்த 17-ஆம் தேதி தொடங்கப்பட்டது.