இறுதிச் சுற்றில் ஆண்ட்ரீவா

நடப்பாண்டின் 2-ஆவது கிராண்ட்ஸ்லாம் போட்டியான பிரெஞ்சு ஓபனில், மகளிர் ஒற்றையர் பிரிவில் இறுதிச்சுற்றுக்கு முதல் வீராங்கனையாக ரஷியாவின் மிரா ஆண்ட்ரீவா வியாழக்கிழமை தகுதிபெற்றார்.

- 

போட்டித்தரவரிசையில் 8-ஆம் இடத்திலிருக்கும் அவர், அரையிறுதியில் 6-1, 6-3 என்ற நேர் செட்களில் மிக எளிதாக, 15-ஆம் இடத்திலிருந்த உக்ரைனின் மார்த்தா கொஸ்டியுக்கை வீழ்த்தினார். இந்த ஆட்டம் 1 மணிநேரம், 16 நிமிஷங்களில் முடிவுக்கு வந்தது.

இருவரும் மோதியது இது 3-ஆவது முறையாக இருக்க, ஆண்ட்ரீவா முதல் வெற்றியைப் பதிவு செய்திருக்கிறார். முந்தைய இரு தோல்விகளையுமே அவர் நடப்பாண்டின் தொடக்கத்தில் சந்தித்த நிலையில், அதற்கு தற்போது பதிலடி கொடுத்திருக்கிறார்.