சநாதன தர்மத்தை எக்காலத்திலும் அழிக்க முடியாது

குடியரசு துணைத் தலைவர் சி.பி.ராதாகிருஷ்ணன்

- 

சநாதன தர்மத்தை எக்காலத்திலும் அழிக்க முடியாது என்று குடியரசு துணைத் தலைவர் சி.பி. ராதாகிருஷ்ணன் தெரிவித்தார்.

கர்நாடக மாநிலம், பெலகாவி மாவட்டம், யதூர் கிராமத்தில் அருள்மிகு வீரபத்ரேஸ்வரா கோயிலின் ராஜகோபுரம் அமைப்பு தொடர்பாக வியாழக்கிழமை நடந்த விழாவில் அவர் பேசியதாவது:

பாரதம் என்பது வெறும் நாடு மட்டுமல்ல, அது உயிர்ப்போடு நிலைத்திருக்கும் நாகரிகமாகும். சிந்து சமவெளி முதல் கன்னியாகுமரி வரை ஒரே உணர்வைப் பாய்ச்சி வருகிறது. வேதத்தின் நித்திய ஞானம் முதலில் மொழியப்பட்ட நாடு பாரதம்.

ஒட்டுமொத்த மனித சமூகமும் துணிவு, நேர்மை, மதத்துக்கு அடிபணிவது போன்ற இயல்புகளுடன் வாழ்வதற்கு வழிகாட்டியாக விளங்கி வரும் பகவத் கீதை வழங்கப்பட்ட நாடும் பாரதம்தான்.