வாக்குத் திருட்டால் ஜனநாயகம் வஞ்சிக்கப்பட்டுள்ளது: கனிமொழி

வாக்குத் திருட்டால் ஜனநாயகம் வஞ்சிக்கப்பட்டுள்ளது என்று குற்றஞ்சாட்டினார் திமுக துணைப் பொதுச் செயலர் கனிமொழி எம்.பி.

- 

மேலப்பாளையத்தில் ஞாயிற்றுக்கிழமை நடைபெற்ற இந்திய யூனியன் முஸ்லிம் லீக் அரசியல் எழுச்சி மாநாட்டில் கனிமொழி பேசியதாவது: திமுகவுக்கும், இந்திய யூனியன் முஸ்லிம் லீக்குக்குமான உறவு தமிழ் போல தொன்மையும், தொடர்ச்சியுமானது.

மொழி, மண்ணுக்காக பாடுபட்டவர்களைக் கொண்டாட பாஜக தவறுகிறது. விடுதலைப் போராட்டத்தில் பங்கேற்ற சிறுபான்மையினரைப் புறக்கணிப்பதோடு, தேச விரோதிகள் என்று குற்றஞ்சாட்டுகிறார்கள். சிறுபான்மை மக்களை எதிர்த்து வெறுப்பு பேச்சும், காழ்ப்புணர்ச்சியும் நம் நாட்டில் அதிகரிக்க பாஜக தலைமையிலான மத்திய அரசே காரணம்.