ஓமந்தூரார் பல்நோக்கு மருத்துவமனையில் புற்றுநோயை அறிய புதிய பரிசோதனை திட்டம்

சென்னை ஓமந்தூரார் அரசு பல்நோக்கு மருத்துவமனையில் செயல்படும் முழு உடல் பரிசோதனை மையத்தில் புற்றுநோயை ஆரம்ப நிலையில் கண்டறிவதற்கான பரிசோதனைத் திட்டம் அறிமுகப்படுத்தப்பட உள்ளது.

- 

அதற்கான ஆயத்த நடவடிக்கைகள் மேற்கொள்ளப்பட்டு வருவதாகவும், விரைவில் அந்தத் திட்டம் பயன்பாட்டுக்கு வரும் என்றும் மருத்துவமனை நிர்வாகிகள் தெரிவித்தனர்.

ஓமந்தூரார் பல்நோக்கு மருத்துவமனையில் ரூ. 10 கோடியில் முழு உடல் பரிசோதனை மையம் கடந்த 2018 ஜூன் 8-ஆம் தேதி தொடங்கப்பட்டது. கோல்டு, டைமண்ட், பிளாட்டினம், பிளாட்டினம் பிளஸ் என நான்கு வகையான பரிசோதனைகள் முறையே ரூ.1,000, ரூ.2,000, ரூ.3,000, ரூ.4,000-க்கு அங்கு மேற்கொள்ளப்பட்டு வருகின்றன.