கோரிக்கை மனு என்ற பெயரில் முதல்வர் நாடகம்

கோரிக்கை மனு என்ற பெயரில் பெட்டிகளை வைத்து மனுக்கள் வாங்கி முதல்வர் மு.க.ஸ்டாலின் நாடகமாடுவதாக எதிர்க்கட்சித் தலைவரும், அதிமுக பொதுச் செயலருமான எடப்பாடி கே.பழனிசாமி குற்றஞ்சாட்டினார்.

- 

சென்னை, ஜூன் 11:

இதுகுறித்து அவர் புதன்கிழமை வெளியிட்ட அறிக்கை: ஆட்சிக்கு வருவதற்கு முன்பு எதிர்க்கட்சித் தலைவராக, தமிழகம் முழுவதும் பெரிய பெரிய பெட்டிகளை வைத்து மனுக்களை வாங்கி பூட்டி சாவி களை தன் பாக்கெட்டில் வைத்துக் கொண்டார் ஸ்டாலின்.

இதுவரை அந்தப் பெட்டிகள் திறக்கப்பட்டதா, எத்தனை லட்சம் மனுக்கள் பெறப்பட்டன, அந்தக் கோரிக்கைகளுக்கு உண்மையாக தீர்வு காணப்பட்டது? அல்லது ஒப்புகைச் சீட்டு மட்டும் வழங்கப்பட்டது என்று நான் பலமுறை எழுப்பிய கேள்விகளுக்கு உண்மையான புள்ளிவிவரங்களை இந்த ஆட்சியாளர்கள் இதுவரை வெளியிடவில்லை.