'காண்டீவா' ஏவுகணை சோதனைக்கு தயாராகும் விமானப் படை

இந்திய விமானப் படையும், இந்திய பாதுகாப்பு ஆராய்ச்சி மற்றும் மேம்பாட்டு அமைப்பும் (டிஆர்டிஓ) சேர்ந்து 'காண்டீவா' என்ற புதிய தலைமை ரக ஏவுகணையை விரைவில் சோதனை செய்ய ஆயத்தமாகியுள்ளன.

- 

மகாபாரதத்தில் அர்ஜுனனின் வில்லுக்குப் பெயர் காண்டீவம் (தமிழில் 'காண்டீபம்') எனப்படுகிறது. அதைக் கொண்டே குருக்ஷேத்ர போரில் அர்ஜுனன் ஈடுபட்டான் என்கிறது மகாபாரத இதிகாசம். அந்த வகையில், புதிய ரக ஏவுகணைக்கு 'காண்டீவா' என பாதுகாப்புத் துறை பெயரிட்டுள்ளது.

'அஸ்ட்ரா எம்கே' ஒன்று மற்றும் இரண்டு ரகங்களைத் தொடர்ந்து அந்த வரிசையில் 'காண்டீவா' மூன்றாவது தயாரிப்பாகும். இந்த ரக ஏவுகணை திரவ எரிபொருள் ராம்ஜெட் (எஸ்எஃப்டி ஆர்) என்ஜின் மூலம் இயக்கப்படும்.

வானில் இருந்து வானில் அதிகபட்சமாக 300-350 கி.மீ. தொலைவில் உள்ள இலக்கைத் தாக்கும் ஆற்றலை இது கொண்டுள்ளது.