சாவர்க்கர் குறித்த ராகுலின் கருத்துக்கு உச்சநீதிமன்றம் கண்டனம்

சுதந்திர போராட்ட வீரர் சாவர்க்கர் குறித்து சர்ச்சைக்குரிய வகையில் கருத்து தெரிவித்த மக்களவை எதிர்க்கட்சித் தலைவர் ராகுல் காந்திக்கு உச்சநீதிமன்றம் கண்டனம் தெரிவித்தது.

- 

மேலும், அவர் மீதான குற்றவியல் விசாரணைக்கு தடை விதிப்பதோடு இனி இது போன்ற கருத்துகளை அவர் தெரிவித்தால் தாமாகவே முன்வந்து விசாரிப்பதாகவும் உச்சநீதிமன்றம் எச்சரித்தது.

கடந்த 2022, நவம்பர் 17-ஆம் தேதி மகாராஷ்டிர மாநிலம் அகோலா மாவட்டத்தில் இந்திய ஒற்றுமை நீதிப்பயணம் மேற்கொண்ட ராகுல் காந்தி, 'சாவர்க்கர் ஆங்கிலேயரிடம் பணியாற்றி ஓய்வூதியம் பெற்றவர்' என விமர்சித்தார்.

ராகுல் காந்தியின் இந்த கருத்து மிகுந்த சர்ச்சைக்குள்ளானது. இதையடுத்து, ராகுல் காந்தி மீது வழக்குரைஞர் நிருபேந்திரா பாண்டே லக்னௌ நீதிமன்றத்தில் வழக்கு தொடுத்தார்.