மீண்டும் திமுக ஆட்சி

அமித் ஷாவுக்கு ஸ்டாலின் சவால்

- 

தமிழகத்தில் 2026 பேரவைத் தேர்தலிலும் திமுக வெற்றி பெற்று மீண்டும் ஆட்சி அமைக்கும் என முதல்வர் மு.க. ஸ்டாலின் கூறினார்.

அண்மையில் சென்னையில் அதிமுகவுடன் கூட்டணி அறிவிப்பை வெளியிட வந்த மத்திய உள்துறை அமைச்சர் அமித் ஷா, 2026 பேரவைத் தேர்தலில் தமிழகத்தில் தேசிய ஜனநாயக கூட்டணி ஆட்சி அமைக்கும் எனத் தெரிவித்த நிலையில், அவருக்கு சவால் விடுக்கும் வகையில் முதல்வர் ஸ்டாலின் இவ்வாறு கூறியுள்ளார்.

திருவள்ளூர் மாவட்டம், பொன்னேரி அருகே ஆண்டார்குப்பத்தில் வெள்ளிக்கிழமை நடைபெற்ற அரசு விழாவில், ரூ.390 கோடி மதிப்பிலான திட்டங்களுக்கு அடிக்கல் நாட்டியும், நிறைவுற்ற ரூ.418 கோடி பணிகளைத் தொடங்கிவைத்தும், 2,02,531 பயனாளிகளுக்கு ரூ.357 கோடி மதிப்பிலான நலத்திட்ட உத விகளை வழங்கியும் முதல்வர் ஸ்டாலின் பேசியதாவது: தமிழ்நாட்டில் இருக்கின்ற சில எதிர்க்கட்சிகள், தமிழ்நாட்டுக்கே எதிரிக்கட்சிகள் போன்று செயல்படுகிறார்கள். அவர்களின் எண்ணம் தமிழ்நாட்டு மக்களுக்கு துரோகம் இழைக்கக்கூடிய கூட்டத்துடன் உறவாடி, நாட்டையே அடகு வைக்க வேண்டும் என்பதுதான்.