ரூ.10,000 கோடியில் புத்தாக்க நிறுவனங்களுக்கான புதிய நிதித் திட்டம்

புத்தாக்க நிறுவனங்களின் வணிகத்தை மேம்படுத்தும் வகையில் ரூ.10,000 கோடியில் புதிய நிதிக்கு நிதித் திட்டம் (எஃப்எஃப்எஸ்) தொடங்கப்படுவதாக மத்திய அரசு சனிக்கிழமை அறிவித்தது.

- 

கடந்த 2016-ஆம் ஆண்டும் ரூ.10,000 கோடி நிதியில் இதே போன்ற திட்டத்தை மத்திய அரசு அறிமுகப்படுத்தியது. 14-ஆவது மற்றும் 15-ஆவது நிதிக்குழு கால கட்டத்தில் இத்திட்டம் செயல்படுத்தப்பட்டது.

நிதிக்கு நிதித் திட்டத்தின்கீழ் புத்தாக்க நிறுவனங்களில் நேரடியாக முதலீடு மேற்கொள்வதற்கு பதிலாக இந்திய பங்குச்சந்தை ஒழுங்கு காற்று வாரியத்தால் (செபி) அங்கீகரிக்கப்பட்ட மாற்று முதலீட்டு நிதிக்கு நிதி வழங்கப்படும். அதிலிருந்து பங்கு நிதிகள் மற்றும் அது தொடர்புடைய அம்சங்களின் மூலம் புத்தாக்க நிறுவனத்தில் முதலீடு மேற்கொள்ளப்படும்.

மாற்று முதலீட்டு நிதியை நிர்வகிக்கும் அமைப்பாக சிறு தொழில் மேம்பாட்டுக்கான இந்திய வங்கியும் (சிட்பி), கண்காணிப்பு அமைப்பாக தொழில் மற்றும் உள்நாட்டு வர்த்தக ஊக்குவிப்பு துறையும் (டிபிஐஐடி) செயல்படுகிறது.