குற்றவாளிக்கு மரண தண்டனை கோரிய மனுக்களை ஏற்பதில் உத்தரவு ஒத்திவைப்பு

கொல்கத்தா பெண் மருத்துவர் பாலியல் கொலை

- 

கொல்கத்தா, ஜன.27: கொல்கத்தா ஆர்.ஜி.கர் அரசு மருத்துவமனை மருத்துவக் கல்லூரியில் முதுநிலை பெண் பயிற்சி மருத்துவர் பாலியல் கொலை செய்யப்பட்ட சம்பவத்தில், குற்றவாளி சஞ்சய் ராய்க்கு மரண தண்டனை வழங்கக்கோரி சிபிஐ மற்றும் மேற்கு வங்க அரசு தனித்தனியே கொல்கத்தா உயர்நீதிமன்றத்தில் மேல்முறையீடு மனுக்களை தாக்கல் செய்தன.

இந்த மனுக்களை விசாரணை ஏற்றுக்கொள்வது தொடர்பான உத்தரவை கொல்கத்தா உயர்நீதிமன்றம் ஒத்திவைத்தது.

முன்னதாக, இச்சம்பவத்தில் காவல் துறையுடன் இணைந்து தன்னார்வலராக பணியாற்றிய சஞ்சய் ராயை குற்றவாளி என அறிவித்த சியால்டா நீதிமன்றம் அவருக்கு வாழ்நாள் ஆயுள் தண்டனை விதித்து உத்தரவிட்டது.

குற்றவாளிக்கு வழங்கப்பட்ட தண்டனை போதுமானதாக இல்லை எனக் கூறி இந்த வழக்கை விசாரித்த சிபிஐ மற்றும் மேற்கு வங்க அரசு சியால்டா நீதிமன்ற உத்தரவை எதிர்த்து கொல்கத்தா உயர்நீதிமன்றத்தில் மேல்முறையீடு செய்தது.