மேற்கு ஆசியாவில் போர் நிறுத்தத்துக்கு இந்தியா ஆதரவு

ரோம், நவ. 25: மேற்கு ஆசியாவில் உடனடி போர் நிறுத்தத்தையும், பாலஸ்தீன பிரச்னைக்கு இரு தனி நாடு தீர்வையும் இந்தியா ஆதரிக்கிறது என வெளியுறவுத் துறை அமைச்சர் எஸ். ஜெய்சங்கர் திங்கள்கிழமை தெரிவித்தார்.

- எஸ்.ஜெய்சங்கர்

மூன்று நாள் பயணமாக ஜெய்சங்கர் ஞாயிற்றுக்கிழமை இத்தாலிக்கு வந்தடைந்தார். அங்குள்ள ஃபியூகி நகரில் நடைபெறும் ஜி7 வெளியுறவு அமைச்சர்கள் கூட்டத்தில் அவர் பங்கேற்கிறார்.

இதனிடையே, ரோம் நகரில் திங்கள்கிழமை நடைபெற்ற 10-ஆவது மத்தியதரைக் கடல் நாடுகள் கூட்டத்தில் ஜெய்சங்கர் கலந்துகொண்டு பேசியதாவது:

மேற்கு ஆசியாவில் நடைபெறும் ராணுவ மோதல்களில் பொதுமக்கள் பெரிய அளவில் உயிரிழப்பதை இந்தியா கடுமையாக கண்டிக்கிறது. இஸ்ரேல், ஈரானுடன் இந்தியா உயர் தொடர்பில் இருந்து வருகிறது.