வங்கதேசப் பிரதமரின் உதவியாளர் 2 மணி நேரம் தடுத்து வைப்பு

வங்கதேச பிரதமர் தாரிக் ரஹ்மானின் உதவியாளர் டாக்டர் ஜாஹெட் உர் ரஹ்மான், இந்தியாவில் 2 நாள் நடைபெற்ற இந்தியப் பெருங்கடல் விளிம்பு கூட்டமைப்பின் மூத்த அதிகாரிகள் குழு கூட்டத்தில் கலந்து கொள்ள வங்கதேசக் குழுவை வழிநடத்தி வந்தார்.

- 

டெல்லி ஏர்போர்ட்டில் வங்கதேச குழு நேற்று முன்தினம் மாலை வந்த போது டாக்டர் ஜாஹெட் உர் ரஹ்மான் வழக்கமான பாதுகாப்புச் சோதனையின்போது தடுத்து நிறுத்தப்பட்டார். அவரது பெயர் கண்காணிப்புப் பட்டியலில் இடம்பெற்றதாகக் கண்டறியப்பட்டதால் குடிவரவு அதிகாரிகளால் தடுத்து நிறுத்தப்பட்டதாகக் கூறப்படுகிறது. அவருடன் வந்த குழுவின் மற்ற உறுப்பினர்கள் எவ்விதச் சிக்கலுமின்றி குடிவரவுச் சோதனையைக் கடந்து சென்ற நிலையில், ரஹ்மான் மட்டும் சுமார் 2 மணி நேரத்திற்கும் மேல் காத்திருக்க வைக்கப்பட்டார்.