హుస్నాబాద్లో “అరైవ్-అలైవ్” రోడ్డు భద్రత అవగాహన

రోడ్డు భద్రత అందరి బాధ్యత నిబంధనలు పాటించి ప్రమాదాలను నివారించాలి: మంత్రి పొన్నం

- 

కోహెడ మే 12 (ఆదాబ్ హైదరాబాద్): ప్రజా పాలన ప్రగతి ప్రణాళిక 99 రోజుల కార్యాచరణ ముగింపు కార్యక్రమంలో భాగంగా.. హుస్నాబాద్ లోని, తిరుమల గార్డెన్స్లో శుక్రవారం “అరైవ్-అలైవ్” రోడ్డు భద్రత అవగాహన కార్యక్రమానికి,

ముఖ్య అతిథిగా రాష్ట్ర రవాణా మరియు బీసీ సంక్షేమ శాఖ మంత్రి పొన్నం ప్రభాకర్, జిల్లా కలెక్టర్ హైమావతి, పోలీసు కమిషనర్ రష్మీ పెరుమాళ్ హాజరయ్యారు. పోలీసులు రోడ్డు నిబంధనలను ఉల్లంఘించడం వల్ల జరిగే ప్రమాదాలపై ప్రత్యేక అవగాహన కల్పించారు. ఓవర్ స్పీడ్, డ్రంక్ అండ్ డ్రైవ్, హెల్మెట్ లేకుండా ద్విచక్ర వాహనాలు నడపడం, ట్రిపుల్ రైడింగ్, మొబైల్ ఫోన్ మాట్లాడుతూ.. డ్రైవింగ్ చేయడం వంటి కారణాలతో ప్రమాదాలు ఎలా సంభవిస్తున్నాయో వీడి యోల ద్వారా ప్రజలకు వివరించారు. అలాగే డ్రగ్స్, గంజాయి వంటి మత్తు పదార్థాలు యువత జీవితాలను ఎలా నాశనం చేస్తున్నాయో అవగాహన కార్యక్రమం నిర్వహించారు.