അടിയും ഭീതിയും അല്ല നല്ല കുട്ടിയുടെ ചേരുവകൾ

കുട്ടിയുടെ വാശിയും ശാഠ്യവും എന്തുകൊണ്ടാണെന്ന് തിരിച്ചറിയാം, സമാധാനപൂർവം കൈകാര്യം ചെയ്യാം

- 

ബന്ധങ്ങളെ കുറിച്ചുള്ള കുഞ്ഞിന്റെ ആദ്യ പാഠം തുടങ്ങുന്നത് തന്നെ മാതാപിതാക്കളിൽ നിന്നാണ്. നല്ല ബന്ധങ്ങൾ ഉണ്ടാക്കുക എന്നതും ലൈംഗിക വിദ്യാഭാസത്തിന്റെ ഭാഗമാണ്. ഇതുകൊണ്ടു തന്നെയാണ് മാതാപിതാക്കൾ കുട്ടിക്കു മുന്നിൽ ആരോഗ്യകരമായ ബന്ധങ്ങൾ നിലനിർത്തണം എന്ന് ആവർത്തിച്ചു പറയുന്നതും. അതെങ്ങനെ ചെയ്യാം എന്നു നോക്കാം.

ആദ്യത്തേതു മാതാപിതാക്കൾക്കു കുട്ടിയോടുള്ള സമീപനം എങ്ങനെ എന്നുള്ളതാണ്. വളരെ കരുതലോടെയുള്ളതും ബഹുമാനത്തിൽ അധിഷ്ഠിതമായതുമാണോ എന്നതാണ് ആദ്യ അളവുകോൽ. അതിനാലാണു മാതാപിതാപിതാക്കളോട് ജെന്റിൽ പേരന്റിങ് പരിശീലിക്കാൻ പറയുന്നത്. അതുമായി ബന്ധപ്പെട്ടുള്ള ധാരാളം പുസ്തകങ്ങളും ടോക്‌സും ഉണ്ട്. പുതിയ വിഷയമായതു കൊണ്ട് നിരവധി സൈക്കോളജിസ്റ്റുകളും പേരന്റിങ് കോച്ചുമാരുമൊക്കെ ക്ലാസ്സുകൾ എടുക്കുന്നുമുണ്ട്. അതിലൂടെ കുറേ കാര്യങ്ങൾ നമുക്ക് പഠിക്കാം. കുഞ്ഞിന്റെ ഏതു പ്രശ്നവും സൗമ്യമായി പരിഹരിക്കാം.