അമ്മയായ് തീർന്നതെൻ പുണ്യം...

മെറ്റേണിറ്റി ലീവ് ഇല്ലാത്ത സീരിയൽ ലോകത്തു മക്കൾക്കു വേണ്ടി 'ഒരു ഷോർട് ബ്രേക്ക് എടുത്ത നാലു പ്രിയതാരങ്ങൾ മെറ്റേണിറ്റി ലിവ് ഇല്ലാത്ത സീരിയൽ ലോകത്തു മക്കൾക്കു വേണ്ടി 'ഒരു ഷോർട് ബ്രേക്ക് എടുത്ത നാലു പ്രിയതാരങ്ങൾ

- 

 അമ്മജീവിതത്തിന്റെ തിരക്കുകളിലും സന്തോഷങ്ങളിലുമാണു മലയാളം മിനി സ്ക്രീനിലെ നാലു പ്രിയതാരങ്ങൾ.

‘മെറ്റേണിറ്റി ലീവ് ഇല്ലാത്ത സീരിയൽ ലോകത്തു മക്കൾക്കു വേണ്ടി ഒരു ഷോർട് ബ്രേക്ക് എടുത്ത ഇവർ ഇപ്പോൾ തിരിച്ചുവരവിനുള്ള  തയാറെടുപ്പിൽ പാർവതി കൃഷ്ണ, ആതിര മാധവ്, സോനു സതീഷ്, പാർവതി അരുൺ എന്നിവരുടെ കുട്ടി വിശേഷങ്ങളിലേക്ക്...

ഗർഭകാലത്തെ നൃത്തം

ഗർഭിണി നൃത്തം ചെയ്താൽ എന്താണു കുഴപ്പം? സുരക്ഷിതമായി ഡോക്ടറുടെ നിർദേശങ്ങൾ പാലിച്ചാണെങ്കിൽ കുഞ്ഞിനോ അമ്മയ്ക്കോ ഒരു പ്രശ്നവുമില്ല. വീട്ടുകാർക്കും സുഹൃത്തുക്കൾക്കും "നോ പ്രോബ്ലം'... എന്നാൽ ചിലർക്ക് അത്രത പിടിച്ചില്ല. മെറ്റേണിറ്റി ഫോട്ടോഷൂട്ടും വളക്കാപ്പും ഗർഭകാലത്തെ നൃത്തവുമൊക്കെയായി നടി പാർവതി കൃഷ്ണയും സംഗീത സംവിധായകനായ ഭർത്താവ് ബാലഗോപാലും തങ്ങളുടെ ആദ്യത്തെ കൺമണിയെ കാത്തിരിക്കുന്നതിനിടെയാണു സോഷ്യൽ മീഡിയയിലെ ഈ "ഉപദേശക്കമ്മിറ്റിയുടെ രംഗപ്രവേശം.

ചിലരുടെ കമന്റുകൾ സഹിഷ്ണുതയുടെ അതിരുകൾ താണ്ടിയതോടെ, ഇൻസ്റ്റഗ്രാമിൽ പോസ്റ്റ് ചെയ്ത വിഡിയോയ്ക്കു താഴെ "നിങ്ങൾക്ക് എന്റെ പ്രവൃത്തികൾ ബുദ്ധിമുട്ടുണ്ടാക്കുന്നു എങ്കിൽ ഗൗനിക്കാതിരിക്കുക. എന്നെ ബ്ലോക് ചെയ്തു പോകുക. ഗർഭിണി ആയിരിക്കുമ്പോൾ നൃത്തം ചെയ്യുന്നതു നല്ല അനുഭവമാണ്. ശരീരത്തിനു ഉന്മേഷവും മസിൽസിന് ഫ്ലക്സിബിലിറ്റിയുമാണു നൃത്തം നൽകുന്നത്... എന്ന മറുപടിയാണു പാർവതി നൽകിയത്.

“കുഞ്ഞു ജനിച്ച ശേഷമുള്ള ജീവിതം എങ്ങനെയായിരിക്കണം എന്നതിൽ കൃത്യമായ ധാരണയുണ്ടായിരുന്നു. അമ്മ എന്ന നിലയിൽ അത്തരം പ്ലാനിങ് ആവശ്യമാണ്. അഭിനയം, ഇന്റീരിയർ ഡിസൈനിങ്, വീട്ടുകാര്യങ്ങൾ അങ്ങനെയായിരുന്നു മുൻപത്തെ ജീവിതം.

ഒന്നര മാസത്തിലെ ഹായ്

 "2020 ഡിസംബർ ഏഴിനാണു മോൻ അവക്ത് ജനിച്ചത്. കോവിഡ് കാലമായിരുന്നതിനാൽ, ഒരു വയസ്സാകും വരെ മറ്റാരെയും അധികം ഏൽപ്പിച്ചിരുന്നില്ല. ആദ്യവർഷമെങ്കിലും കുഞ്ഞു പൂർണമായും അമ്മയോടൊപ്പം കഴിയണമെന്ന ചിന്താഗതിയുമുണ്ടായിരുന്നു. മാത്രമല്ല, നമ്മൾ അവനെ നോക്കും പോലെ മറ്റൊരാൾക്കാകുമോ എന്ന ആശങ്കയും സ്വാഭാവികമാണല്ലോ. ഞാനും ബാലുവും എപ്പോഴും അവന്റെ കൂടെ ഉണ്ടായിരുന്നതിന്റെയാകാം, പത്താം മാസം മുതൽ അവൻ നന്നായി സംസാരിക്കാൻ തുടങ്ങി.