సన్ ఫార్మా పేరుతో నకిలీ ఔషదాల దందా.

జబ్బు తగ్గడం మాట సరే.. ప్రాణాలకే ముప్పు..! ఇద్దరు ఔషధ డిస్ట్రిబ్యూటర్ల అరెస్ట్.. నకిలీ ఔషదాలు స్వాధీనం

- 

జబ్బు తగ్గడం మాట సరే.. ప్రాణాలకే ముప్పు..!

ఇద్దరు ఔషధ డిస్ట్రిబ్యూటర్ల అరెస్ట్.. నకిలీ ఔషదాలు స్వాధీనం

బోగస్ రోస్ వాస్ ఎఫ్ 20, రోస్ వాస్ 10 మాత్రల అక్రమంగా సరఫరా..

• నకిలీ ఓషధాలను స్వాధీనం చేసుకున్న డ్రగ్ ఇన్స్ పెక్టర్ అజయ్..

• దేశ రాజధాని ఢిల్లీ నుంచి సరఫరా అయ్యాయన్న సన్ ఫార్మా డిస్ట్రిబ్యూటర్..

• కోట్ల రూపాయల స్కాం జరిగినట్లు భావిస్తున్న అధికారులు..

• కొరవడిన డ్రగ్స్ నియంత్రణ.. లంచాల మత్తులో కొందరు అధికారులు..

• ఎన్ని ప్రాంతాలకు సరఫరా జరిగాయి..? ఎన్ని లక్షల మంది ఉపయోగించారు..?

• అమాయకుల ప్రాణాలతో చెలగాటం ఆడుతున్న ఔషధ తయారీ బోగస్ కంపెనీలు..

• దందా ఎప్పటినుంచో జరుగుతోందని ఒప్పుకున్న సన్ ఫార్మాస్యూటికల్స్ ప్రతినిధి..

హైదరాబాద్, 06 జూలై (ఆదాబ్ హైదరాబాద్: నగరంలోని కోఠీలో ఓ రెండు ఔషధ డిస్ట్రిబ్యూషన్ కంపెనీలు నకిలీ ఔషధాలు సరఫరా చేస్తున్నట్లు పక్కా సమాచారం అందడంతో తెలంగాణ డ్రగ్స్ కంట్రోల్ అడ్మినిస్ట్రేషన్ అధికారులు ఆ ఔషధ డిస్ట్రిబ్యూషన్ కంపెనీల పై దాడిచేసి ఇద్దరినీ అదుపులోకి తీసుకున్నారు.. అధికారులు తెలిపిన వివరాల ప్రకారం.. గంగా ఫార్మా డిస్ట్రిబ్యూటర్స్, సుల్తాన్ బజార్, ఇందర్ బాగ్, కోరీ యజమాని ప్రవీణ్ కుమార్ కనోడియా, అదేవిధంగా.. శ్రీ నందినీ ఫార్మా, విట్టల్ మారుతి లేన్, గుజరాత్ గల్లీ, సుల్తాన్ బజార్ కోటి, యజమాని మిథింటి శ్రీనివాస్ లను అదుపులోకి తీసుకున్నారు.. అయితే వీరు ఎంతో పేరు ప్రఖ్యాతులున్న డిస్ట్యూబ్యూ టర్స్.. సన్ ఫార్మాస్యూటికల్ ఇండస్ట్రీస్ లిమిటెడ్ తయారు చేసిన ఔషధాలు 'రోసువాస్ ఎఫ్ 20', 'రోసువాస్ ఎఫ్ 10' టాబ్లెట్లు అంటే రోసువాస్టాటిన్, ఫెనోఫైబ్రేట్ టాబ్లెట్లను, వేరే కంపెనీల ద్వారా అదే పేరుతో నకిలీ టాబ్లెట్లు సరఫరా చేసినట్లు రెండు ఔషధ డిస్ట్రిబ్యూషన్ కంపెనీల వారు అంగీకరించారు.. ఈ నకిలీ మందులను స్వాధీనం చేసుకున్న అధికారులు ఈ ఇద్దరు డీలర్లపై కేసును నమోదు చేశారు..