പൂച്ചകളുടെ ആഹാരക്രമം

പെറ്റ്സ് കോർണർ

- ഡോ. ബീന. ഡി

പൂച്ചകൾ മാംസാഹാരികൾ ആയതുകൊണ്ട് അവയുടെ ആഹാരക്രമം വളരെ ശ്രദ്ധിക്കേണ്ടതാണ്. അവയ്ക്ക് പ്രോട്ടീൻ ധാരാളമായി ആവശ്യമായിട്ടുണ്ട്. ജനനത്തിനു ശേഷം ആദ്യത്തെ 6 മുതൽ 8 ആഴ്ച വരെ അമ്മപ്പൂച്ചയുടെ പാൽ തന്നെ ആണ് പ്രധാന ആഹാരം. പാൽകുടി മാറിയതിനുശേഷം പൂച്ച കുട്ടികൾക്കായി പ്രത്യേകം തയാറാക്കിയിട്ടുള്ള ആഹാരം വേണം നൽകേണ്ടത്. റോയൽ ക്യാനിൻ കിറ്റൻ പോലുള്ള ക്യാറ്റ് ഫുഡ് ദിവസം മൂന്നു നാല് തവണ ചെറിയ അളവിൽ ഉൾപ്പെടുത്താവുന്നതാണ്. വേവിച്ച ചിക്കൻ, മീൻ എന്നിവ ഉപ്പോ മസാലയോ ഇല്ലാതെ വേണം നൽകേണ്ടത്. വേവിച്ച മുട്ടയുടെ മഞ്ഞയും ഈ പ്രായത്തിൽ നൽകണം.