ગુજરાતી ફ઼િલ્મ કુંડાળુ: દિગ્દર્શનથી લઇ અભિનય સુધ

શેહિત પ્રજાપતિ, સોનાલી લેલે દેસાઈ અને સ્વયમની સાથે વિશેષ સંવાદ

- વિષ્ણુ રબારી 'ઝવેર'

ગુજરાતી સિનેમામાં પ્રદેશીય સંસ્કૃતિ, સ્થાનિક બોલી, જીવનશૈલી અને વાસ્તવિક લાગણીઓને પ્રામાણિક રીતે રજૂ કરતી ફિલ્મો બહુ ઓછી જોવા મળે છે. રોહિત પ્રજાપતિ દિગ્દર્શિત 'કુંડાળું' એવી જ રચનાઓમાંની એક છે–ઉત્તર ગુજરાતના મહેસાણા જિલ્લાના ગામડાઓની માટીની સુગંધ, ત્યાંની સાંસ્કૃતિક સાદગી અને લોકોને જોડી રાખતી હૃદયસ્પર્શી લાગણીઓનું સૌંદર્યપૂર્વક ચિત્રણ કરતી ફિલ્મ.

આ ફિલ્મ માત્ર એક ગામની કહાની નથી કહતી, પરંતુ ગ્રામ્ય જીવનની સૂક્ષ્મતા, સંબંધોની નિરાંતે અને માનવતાની જીવંત ઝલક પણ પ્રસ્તુત કરે છે. કુદરતી લોકેશન, પ્રમાણિક પ્રદર્શન અને સંવેદનશીલ દિગ્દર્શન આ ફિલ્મને વધુ પ્રભાવી બનાવે છે. ‘કુંડાળુ' દર્શકોને તેમના પોતાના મૂળ અને સંસ્કૃતિ સાથે ફરી એકવાર જોડવાનો પ્રયાસ કરે છે.

મહેસાણા ગામડાની સુગંધ, મુક્તેશ્પર ડેમ અને પર્વતોની હોળ-‘કુંડાળુ’ની મનમોહક લોકેશન જીં

ફિલ્મમાં મુખ્ય ભૂમિકાઓ સોનાલી દેસાઈ, વૈભવ બીનિવાલે, હેપ્પી ભાવસાર, યશ ભાગવત અને ધ્રુવ પંડિત નિભાવતા જોવા મળશે. કુંડાળુ મૂવીનું લેખન અને દિગ્દર્શન રોહિત પ્રજાપતિએ કર્યું છે, જ્યારે નિર્માણ થ્રી પીપલ પ્રોડકશન સુચિત્રા પરીખ, નીના અરોરા અને પ્રિયા ક્રિટનાસ્વામી તથા ગીત થિયેટર દ્વારા કરવામાં આવ્યું છે. ગુજરાતી ભાષામાં એક તદ્દન નવા વિષય સાથે બનેલી આ ફિલ્મ દર્શકોને નવી વાર્તા અને એક તાજું અનુભવ આપવા તૈયાર છે–અને આજે અમારી ખાસ મુલાકાતોમાં, અમે તેની બનાવટ પાછળની વાતો અને સ્ટાર કાસ્ટના અનુભવોને નજીકથી જાણીશું.

'કુંડાળુ' નો મુખ્ય સંદેશ શું છે જે તમે દર્શકો સુધી પહોંચાડવા માંગો છો?

'કુંડાળુ'ને ખાસ કોઈ ઉપદેશ આપવાનો હેતુ રાખીને બનાવવામાં આવી નથી, પરંતુ દરેક સારી વાર્તા જેમ કંઈક ન કંઈક આપણામાં છોડી જાય છે, તેવી જ રીતે આ ફિલ્મ પણ એક આંતરછુપાયેલો સંદેશ લઈને આવે છે. આપણે જ્યાં જન્મીએ છીએ, જે પરિસ્થિતિમાં મોટા થઇએ છીએ, જે સમાજ અને સંસ્કૃતિ આપણું ઘડતર કરે છે–તે જ આપણું “કુંડાળુ” છે. આ કુંડાળું માત્ર ધાર્મિક અથવા પરંપરાગત વિધિઓનું નથી, પરંતુ આપણા વર્તન, આપણા વિચાર, આપણા નિયમો અને આપણાં જીવનની અદ્રષ્ટય સીમાઓનું પ્રતીક છે.