കലാപത്തിനും ഭൂകമ്പത്തിനും മധ്യേ മ്യാൻമർ

ആഭ്യന്തര കലാപം നടക്കുന്ന മ്യാൻമറിൽ ജനങ്ങൾക്ക് ഇരുട്ടടിയായി ഭൂകമ്പം

- അജീഷ് മുരളീധരൻ

നാലു വർഷമായി തുടരുന്ന ആഭ്യന്തരകലാപത്തിൽ തകർന്നുപോയ മ്യാൻമറിനു കനത്ത ആഘാതമായിരിക്കുകയാണ് അടുത്തിടെയുണ്ടായ ഭൂകമ്പം. 5.5 കോടിയോളമുള്ള മ്യാൻമർ ജനസംഖ്യയിൽ പകുതിയിലേറെപ്പേരും ദാരിദ്ര്യരേഖയ്ക്കു താഴെ ജീവിക്കുന്നവരാണ്. ആഭ്യന്തര കലാപം 35 ലക്ഷം പേരെ വീടുകളുപേക്ഷിച്ചു പലായനം ചെയ്യാൻ നിർബന്ധിതരാക്കിയിരുന്നു. 7.7 തീവ്രത രേഖപ്പെടുത്തിയ ഭൂകമ്പം മൂലം വീടുകൾ നഷ്ടപ്പെട്ട ലക്ഷക്കണക്കിനാളുകളും ഈ പട്ടികയിലേക്കു ചേരുകയാണ്. മൂവായിരത്തിലേറെപ്പേർക്കാണ് ജീവൻ നഷ്ടപ്പെട്ടതെന്നു ഭരണം കയ്യാളുന്ന സൈന്യം പറയുന്നുവെങ്കിലും യഥാർഥ സംഖ്യ പതിനായിരത്തിനു മുകളിലായിരിക്കുമെന്നാണു സ്വതന്ത്ര നിരീക്ഷകർ ചൂണ്ടിക്കാട്ടുന്നത്. രാജ്യത്തിന്റെ 60 ശതമാനത്തിലേറെ ഭാഗങ്ങളുടെ നിയന്ത്രണം ഇപ്പോൾ വിമത സംഘങ്ങളുടെ കയ്യിലാണ്. മ്യാൻമറിന്റെ 21% പ്രദേശം മാത്രമേ ഇപ്പോൾ പട്ടാളത്തിന്റെ പൂർണ നിയന്ത്രണത്തിലുള്ളൂ. അതേസമയം, പ്രധാന നഗരങ്ങളെല്ലാം ഇപ്പോഴും പട്