Creat to Drive

കോട്ടയം - വാഗമൺ - തൊടുപുഴ റൂട്ടിലൂടെ കിയ ഇവി മായി ലോങ് ഡ്രൈവ്

- റോഷ്‌നി

വാഗമൺ കുന്നുകൾ ഓടിക്കയറുമ്പോൾ ഇവി 6 ഒരിക്കലും കിതച്ചില്ല. വളഞ്ഞുപുളഞ്ഞ് മലമടക്കുകളിലൂടെ ഓടി, അല്ല ഒഴുകി എന്നു പറയുന്നതാകും ശരി. കാറിനകത്തായാലും പുറത്തായാലും പരിപൂർണ നിശ്ശബ്ദൻ. ടോപ് പ്രീമിയം ഇലക്ട്രിക് കാറുകളിൽ മുന്നിലാണ് ഇവി 6. പൂർണമായും ഇറക്കുമതി ചെയ്ത മോഡൽ.

ഫീച്ചർ റിച്ച്

യൂറോപ്യൻ കാർ ഓഫ് ദി ഇയർ പുരസ്കാ രവുമായാണ് ഇവി6 ഇന്ത്യയിലെത്തിയത്.ഡിസൈനിലും സാങ്കേതികവിദ്യയിലും ഒട്ടേറെ പുതുമകൾ ഈ കോസോവറിനുണ്ട്. ഡ്രൈവിങ് അനായാസമാക്കുന്ന ഫീച്ചറുകൾ. വീതി കുറഞ്ഞ റോഡിൽ വശം ചേർന്നു പോകുന്നുണ്ടോ എന്നറിയാൻ ഡാഷിലെ ടച്ച് സ്ക്രീൻ നോക്കിയാൽ മതി. 360 ഡിഗ്രി ക്യാമറയുടെ ഗുണമറിയാം. കാറിന്റെ ചുറ്റുപാടു മുഴുവനായും കാണാം. റിയർ ക്യാമറയിലൂടെ പിന്നിൽ വരുന്ന വാ ഹനങ്ങളെ നിരീക്ഷിക്കാം. ഡെസ്റ്റിനേഷൻ സെറ്റുചെയ്താൽ പോകുന്ന വഴി, ഇനി സഞ്ചരിക്കേണ്ട ദൂരം, റോഡിലെ വളവുകൾ തിരിവുകൾ എല്ലാം കാണിച്ചുതരും. നമ്മുടെ കണ്ണെത്തിയില്ലെങ്കിലും ക്യാമറക്കണ്ണുകൾ എത്തും. നിലവിലെ ബാറ്ററി ചാർജ് ഉപയോഗിച്ച് എത്ര കിലോമീറ്റർ സഞ്ചരിക്കാൻ പറ്റും എന്നിവയെല്ലാം അറിയാനാകും.