Akram Express - Gujarati - સરખામણીમાંથી ઈર્ષા | June 2010 | અક્રમ એક્સપ્રેસ

In dit nummer

"ઈર્ષાનો અનુભવ કોને નહીં હોય ? આપણા કરતા બીજાને કંઈક સારું મળ્યું કે વધુ મળ્યું કે તરત આપણને એની ઈર્ષા થાય, પછી એ આપણા ભાઈ-બહેન હોય. આપણે એના પ્રત્યે મોટું મન રાખી શકતા નથી. ઘણી વાર ઈર્ષાનું જોર એટલું વધી જાય છે કે આપણે એને નીચો દેખાડવાના પ્રયત્નો સુધી પહોંચી જઈએ છીએ. એક વાર ઈર્ષામાં સપડાયા પછી આપણને હિતાહિતનું ભાન રહેતું નથી. કોઈ આપણા ભલા માટે કહે તો પણ આપણે એ નકારી દઈએ છીએ. આમ, ઈર્ષા આપણી જ પ્રગતિને રોકે છે. ઈર્ષા કેવી રીતે ઊભી થઈ જાય છે ? એના શું પરિણામો આવે છે ? એમાંથી બચવું કઈ રીતે ? આના સુંદર ફોડ પરમ પૂજ્ય દાદાશ્રીએ આ અંકમાં આપ્યા છે. તો ચાલો, સમજીએ ઈર્ષાના સ્વરૂપને અને બચીએ એની બળતરામાંથી. "