FASHION റൺവേ

സെലിബ്രിറ്റികളുടെ എയർപോർട് ലുക് സെൽഫികളും റീൽസുമെല്ലാം നമ്മളോടു പറയുന്നത്

- ഡോ. സിന്ധു വിജയകുമാർ

വിമാനത്താവളത്തിലെ റൺവേ ഇപ്പോൾ വിമാനങ്ങൾക്കു വേണ്ടി മാത്രമല്ല ഫാഷനും കൂടിയുള്ളതായി മാറി. സെലിബ്രിറ്റികളുടെ എയർപോർട് ലുക് സെൽഫികളും റീൽസുമെല്ലാം നമ്മളോടു പറയുന്നതു അതുതന്നെ. കോഫി സിപിങ്, സ്ലോ-മോഷൻ എസ്കലേറ്റർ എൻട്രി... എന്നിങ്ങനെ എയർപോർട്ട് സ്റ്റൈൽ വ്യത്യസ്തമാക്കാൻ സെലിബ്രിറ്റികൾ ശ്രദ്ധിക്കാറുണ്ട്. സോഷ്യൽമീഡിയയിൽ താരമാകാനുള്ള ഒരവസരവും മിസ് ആക്കാൻ ആഗ്രഹിക്കാത്ത ഫാഷൻ ലവേഴ്സാണ് സത്യത്തിൽ എയർപോർട് ഫാഷൻ ഇത്ര പോപ്പുലറാക്കിയത്.

വിമാനയാത്രയിൽ ലുക് സ്പെഷൽ ആക്കാൻ ചില കാര്യങ്ങൾ മനസ്സിലാക്കേണ്ടതുണ്ട്. നിങ്ങളുടെ സ്റ്റൈൽ OOTD (Outfit of the Day) എങ്ങനെ സെറ്റ് ചെയ്യാം എന്നറിയാനായി തുടർന്നു വായിക്കുക.

കൂൾ ആൻഡ് സ്റ്റൈലിഷ്

ജോഗേഴ്സിനൊപ്പം അണിയാം ക്രോപ് ടോപ്. അതല്ലേ കൂൾ കാഷ്വൽസിന്റെ പെർഫക്റ്റ് മിക്സ്, ഒപ്പമൊരു ലൈറ്റ് ജാക്കറ്റ് അണിയുമ്പോൾ തന്നെ സ്റ്റാർ ലുക് വരും. പോക്കറ്റുള്ള ജാക്കറ്റ് തിരഞ്ഞെടുത്താൽ രണ്ടു ണ്ടു കാര്യം. ബോർഡിങ് പാസ്, ലിപ് ബാം, ഗേറ്റ് സൈഡ് സ്നാക്സ്... ഇവയെല്ലാം സേഫായി പോക്കറ്റിൽ സൂക്ഷിക്കാം.

സെപറേറ്റ്സ് ഇഷ്ടമല്ലേ? എങ്കിൽ ജംപ് സൂട്ട്ട്രൈ ചെയ്യൂ സോഫ്റ്റ്, സ്ട്രക്ചർഡ് ജംപ് സൂട്ട് തിരഞ്ഞെടുക്കൂ.

പക്ഷേ, ദീർഘയാത്രയാണെങ്കിൽ ജംപ് സൂട്ടിനോടു നോ പറയാം. പകരം, പലാസോ, ഫ്ലോയി സ്കർട്സ് അല്ലെങ്കിൽ ഡ്രസ്സുകൾ തിരഞ്ഞെടുക്കാം.