അരുതേ...നമുക്കു കൈ കോർക്കാം

കരുതലെടുക്കാൻ നീട്ടുന്ന കരം വെട്ടുന്ന തരത്തിൽ അക്രമത്തിലേക്കു വഴി മാറുകയാണു നാട്. വരുംതലമുറയെ അക്രമത്തിനു വിട്ടുകൊടുക്കാതെ കാക്കാം

- രൂപാ ദയാബ്ജി

ഒരു കാർ പാഞ്ഞുവരുന്നു. കാട്ടിനുള്ളിലൂടെ ഇരുൾ വകഞ്ഞുമാറ്റി അതു പാഞ്ഞു പോകുന്നു. മുൻഗ്ലാസ്സിലൂടെ അവ്യക്തമായി കാണുന്ന കാറിനുള്ളിൽ പുകച്ചുരുളുകൾ. ആളൊഴിഞ്ഞ സ്ഥലത്തു കാർ നിർത്തി. ആരും പുറത്തിറങ്ങുന്നില്ല... അൽപനേരം കഴിഞ്ഞു കാറിൽ നിന്നൊരാൾ ഇറങ്ങി വഴിയരികിൽ നിന്നു.

അടുത്ത രംഗത്തിൽ അജാനുബാഹുവായ വില്ലൻ കൊലപ്പെടുത്തിയ പെണ്ണിന്റെ മൃതദേഹം മറവുചെയ്യാൻ കുഴി എടുക്കുന്നതു കാണാൻ മനസ്സു കൊണ്ടു പാകപ്പെട്ടിരിക്കുകയാണ് ഇന്നു കൂടുതൽ പേരും. അത്രമാത്രം അക്രമവും വില്ലത്തരവും നമ്മുടെ ചുറ്റും നിറയുന്നു. കഥകളിലും സിനിമയിലും മാത്രം ഒതുങ്ങി നിന്നിരുന്ന കൊടും ക്രൂരത ഇന്ന് നിത്യജീവിതത്തിലെ പതിവു വാർത്ത ആയി മാറിയിരിക്കുന്നു.

ഓരോ നിമിഷവും കേൾക്കുന്ന അക്രമവാർത്തകളിൽ ഏറ്റവും ഒടുവിലത്തേതു കൊല്ലത്തു കോളജ് വിദ്യാർഥിയെ കുത്തിക്കൊന്ന ശേഷം ട്രെയിനിനു മുന്നിൽ ചാടി മരിച്ച യുവാവിന്റെ പകയുടെ കഥയാണ്. അടുത്ത വാർത്തയിലേക്ക്അ ധികദൂരമില്ലെന്ന തിരിച്ചറിവിൽ നിന്നു തന്നെ പറയട്ടെ, ഇതിനു പരിഹാരം കാണാൻ നമ്മൾ ഒന്നിച്ചു നിൽക്കണം.

കൊലവെറിയോടെ പാഞ്ഞടുക്കുന്ന അക്രമകാരികളെ നില നിർത്താൻ ഒന്നിച്ചു കെ കോർക്കാമെന്ന സന്ദേശത്തോടെ മലയാള മനോരമ സംഘടിപ്പിച്ച "വീണ്ടെടുക്കാം നല്ല കേരളം' എന്ന ആശയക്കൂട്ടായ്മ പ്രത്യാശയുടെ പുതുകിരണങ്ങളാണു നീട്ടിയത്. റോ മുൻ മേധാവി പി.കെ. ഹോർമിസ് തരകൻ, മുൻ ഡിജിപിമാരായ എ. ഹേ മചന്ദ്രൻ, കെ.പി. സോമരാജൻ, ജേക്കബ് പുന്നൂസ്, ഡോ.അലക്സാണ്ടർ ജേക്കബ്, ജേക്കബ് തോമസ് എന്നിവരാണു ലഹരിക്കും അക്രമങ്ങൾക്കുമെതിരെ നടത്തിയ ചർച്ചയിൽ പങ്കെടുത്തത്.

സംസ്ഥാന ആസൂത്രണ ബോർഡ് മുൻ അംഗം ജി. വി ജയരാഘവൻ മോഡറേറ്ററായിരുന്ന ചർച്ചയിൽ ഉരുത്തിരിഞ്ഞ ആശയങ്ങൾ വരുംതലമുറയെ അക്രമത്തിന്റെ പാതയിൽ നിന്നു വഴിതിരിച്ചു വിടാൻ സഹായിക്കുന്നതാണ്.നമുക്കു കൈകോർക്കാം, പ്രത്യാശയോടെ.

വയലൻസ് വയലൻസ് വയലൻസ്...