ഉണ്ണി മനസ്സ്

ചോദ്യം “സിനിമയിൽ ഒരു പതിറ്റാണ്ടു കഴിഞ്ഞു. ഉണ്ണിമുകുന്ദന്റെ മനസ്സ് എങ്ങനെ മാറി ഉത്തരം മനസിനും മസിലു വന്നു

- വിജീഷ് ഗോപിനാഥ്

ചെവി കടിച്ചു പറിച്ച് മാർക്കോ "അലറുന്ന ടീസർ ഇറങ്ങിയ ദിവസമാണ് വനിതയുടെ കവർ ഷൂട്ട് നടക്കുന്നത്. ഉണ്ണി മുകുന്ദന്റെ മാർക്കോ എന്ന “കൊടൂര വില്ലൻ' ഒരുവശത്ത്. മറുവശത്ത് കവർ ചിത്രത്തിൽ ഉണ്ണിയുടെ ഒക്കത്തിരിക്കാനായി എത്തിയ പാവക്കുഞ്ഞുങ്ങളെ പോലുള്ള "ഉണ്ണികളും ...

ക്യാമറയ്ക്കു മുന്നിൽ ഉണ്ണി മുകുന്ദന്റെ സിക്സ്പാക് നായകന്മാർ വില്ലന്മാരെ ഇടിച്ചു പറത്തിയിട്ടുണ്ട്. പക്ഷേ, കുഞ്ഞുങ്ങൾക്കു മുന്നിൽ ഉണ്ണിക്കു പിടിച്ചു നിൽക്കാനായില്ല. ടു ഡൂ...' എന്നൊക്കെ ഓമനിച്ചു കവിളിൽ തൊട്ടപ്പോഴേ കരച്ചിലിന്റെ തീപ്പൊരി വീണു. ഒരാളിൽ നിന്ന് അടുത്തയാളിലേക്ക്. പിന്നെ, അടുത്തയാളിലേക്ക്. കരച്ചിലിന്റെ പല രാഗങ്ങൾ സ്റ്റുഡിയോയിൽ മുഴങ്ങിത്തുടങ്ങി.

വാഴിക്കരച്ചിൽ കണ്ടപ്പോൾ ഉണ്ണി ചിരിച്ചു കൊണ്ടു പറഞ്ഞു. “മസിലളിയാ എന്നൊക്കെ ആൾക്കാർ വിളിക്കുന്നേയുള്ളൂ ഞാൻ ശരിക്കുമൊരു പാവമാണെന്ന് ഇവരോടാരെങ്കിലുമൊന്നു പറഞ്ഞു കൊടുക്കാമോ?' “മാർക്കോയ്ക്കൊപ്പം 'ഗേറ്റ് സെറ്റ് ബേബി'യെന്ന സിനിമ കൂടി തിറ്ററിലെത്തുന്നുണ്ട്. അതിൽ ഗൈനക് ഡോക്ടറാണ് ഉണ്ണി

നായകനായി കഴിഞ്ഞാൽ പിന്നെ, നെഗറ്റിവ് റോളുകൾ തിരഞ്ഞെടുക്കുമ്പോൾ ഒന്നു ശ്രദ്ധിക്കും. അല്ലേ ? നായകൻ, വില്ലൻ എന്ന തരംതിരിവിൽ സിനിമയെ കാണുന്നില്ല. കഥ കേൾക്കുമ്പോൾ തന്നെ ഏതു കഥാപാത്ര മാണോ അദ്ഭുതപ്പെടുത്തുന്നത് അതു തിരഞ്ഞെടുക്കാനാണ് എനിക്കിഷ്ടം. ചിലപ്പോൾ അതു വില്ലനായേക്കാം. മലയാളത്തിലെ ഒരു വലിയ സിനിമയുടെ ഓഫർ വന്നു. കഥകേട്ടപ്പോൾ എനിക്കിഷ്ടപ്പെട്ട റോൾ വില്ലന്റേതായിരുന്നു. പക്ഷേ, എന്നോടു നായകന്റെ വേഷം ചെയ്യാനാണ് ആവശ്യപ്പെട്ടത്. അങ്ങനെ അതിൽ നിന്നു പിന്മാറി.

തിരക്കഥ കേൾക്കാൻ ഒരു ടീം തന്നെയുണ്ട്. സിനിമയെ പ്രഫഷനലായി കണ്ടു തുടങ്ങിയത് എന്നു മുതലാണ് ?

നടനായി നിൽക്കണമെങ്കിൽ ഇതിന്റെയൊന്നും ഒരാവശ്യമില്ല. താരമാകണമെങ്കിൽ പ്രഫഷനലായി സിനിമയെ കണ്ടേ പറ്റൂ. സിനിമയുടെ ക്രീം ആയി മാറണമെന്നുണ്ട്. സൂപ്പർസ്റ്റാർ ആകണമെന്നു പറയുന്നത് അഹങ്കാരമായൊന്നും കാണേണ്ട. പോസിറ്റീവായി കണ്ടാൽ മതി. അതൊരു ലക്ഷ്യമാണ്. അങ്ങോട്ടുള്ള പാച്ചിലിൽ ആണു ഞാൻ എന്നു പറയുന്നതിൽ എന്നു തെറ്റാണുള്ളത്?