എൻജിനീയേഴ്സിനു അവസരമുണ്ടോ?

ഓസ്ട്രേലിയയിലേക്കുള്ള കുടിയേറ്റം സംബന്ധിച്ച തിരഞ്ഞെടുത്ത സംശയങ്ങൾക്കു മറുപടി നൽകുന്നു താര എസ്. നമ്പൂതിരി

- താര എസ്. നമ്പൂതിരി

ഞാൻ ഇപ്പോൾ പ്ലസ്ടു വിദ്യാർഥി ആണ്. ഓസ്ട്രേലിയയിലേക്ക് കുടിയേറുകയാണ് ലക്ഷ്യം. നാട്ടിൽ നിന്ന് എൻജിനീയറിങ് പഠിച്ചശേഷം മൈഗ്രേഷനു ശ്രമിക്കാമെന്നാണു കരുതുന്നത്. എയറോനോട്ടിക്കൽ എൻജിനീയറിങ് ആണോ മെക്കാനിക്കൽ ആണോ അവിടെ തൊഴിലവസരങ്ങൾ കൂടുതൽ ഉള്ളത്?
ജിനോ കുര്യൻ, തൃശൂർ

ഓസ്ട്രേലിയയിൽ ധാരാളം അവസരങ്ങൾ എൻജിനീയേഴ്സിന് ഉണ്ട്. പ്ലസ് ടു തലത്തിൽ തന്നെ ഭാവിയെക്കുറിച്ചുള്ള വ്യക്തമായ പ്ലാനിങ് നടത്താൻ ആഗ്രഹിക്കുന്നുവെന്നത് അഭിനന്ദനാർഹമാണ്.

വിദേശ പഠനമോ ജോലിയോ കുടിയേറ്റമോ ഒക്കെ ആഗ്രഹിക്കുന്ന വിദ്യാർഥികൾ സ്കൂൾ പഠനകാലത്തു തന്നെ അതിനുള്ള തയാറെടുപ്പുകൾ തുടങ്ങണം.

പഴയകാലത്തു മാതാപിതാക്കളോ മുതിർന്നവരോ ഒക്കെ നിർദേശിക്കുന്നത് അനുസരിച്ചാണ് പലരും കോഴ്സുകൾ തിരഞ്ഞെടുത്തിരുന്നത്. ഇഷ്ടമില്ലാത്ത വിഷയം ആണെങ്കിൽ അത് മൊത്തം ജീവിതഗതിയെ തന്നെ ബാധിച്ചേക്കാം.