yes, i am lucky to have you

വിവാഹത്തെക്കുറിച്ച് എന്താണു മനസ്സിലിരിപ്പ് ? കേരളത്തിലെ ചെറുപ്പക്കാരോടു വനിത സംസാരിച്ചപ്പോൾ...

- രൂപാ ദയാബ്ജി

ബ്രോ ഡാഡി സിനിമ ഓർമയില്ലേ. പരസ്യക്കാരനെ കൊണ്ടു മകളെ വിവാഹം കഴിപ്പിക്കാ ൻ കച്ചകെട്ടി ഇറങ്ങിയ അപ്പൻ, പരസ്യക്കാർക്കു രഹസ്യം സൂക്ഷിക്കാനറിയില്ല എന്ന മുട്ടുന്യായം പറഞ്ഞ്, വരുന്ന ആലോചനകൾ നൈസായി തട്ടിമാറ്റുന്ന മകൾ. സീനുകൾ മാറിമറിയവേ മകളുടെ മനസ്സിലിരിപ്പ് തെളിയുന്നു. ഇന്ത്യയിലെ ഒന്നാം നമ്പർ പരസ്യകമ്പനിയിലെ സുന്ദരനും പറഞ്ഞു വരുമ്പോൾ കുടുംബ സുഹൃത്തുമായ പയ്യനുമായി മകൾ ബെംഗളൂരുവിൽ നാലു വർഷമായി ലിവിങ് ടുഗെദറാണ്.

സിനിമ അവിടെ നിൽക്കട്ടെ, കാര്യത്തിലേക്കു കടക്കാം. കല്യാണക്കാര്യത്തിൽ മനസ്സിലിരിപ്പു തുറന്നു പറയാൻ പുതിയ തലമുറയ്ക്ക് അല്പം മടിയൊക്കെയുണ്ട്. പക്ഷേ, അത് അറിയാതെ പറ്റില്ലല്ലോ. കേട്ടറിവുകളെല്ലാം സത്യമാണെങ്കിൽ ഒന്ന് ഉറപ്പിച്ചു പറയാം, പങ്കാളിയെ തേടുമ്പോൾ പുതിയ തലമുറ സമയമെടുത്തേ തീരുമാനമെടുക്കൂ. ഓരോരുത്തരിലും ഉള്ള നന്മയും തിന്മയും പരമാവധി അറിയാൻ ശ്രമിച്ച് ടിക് മാർക്കും നെഗറ്റീവ് മാർക്കും നൽകും. ആവറേജ്, പാസ് മാർക്കുമൊന്നും പരിഗണിക്കില്ല. പങ്കാളിത്തത്തിലും പരസ്പര സ്നേഹത്തിലും എ പ്ലസ് നേടുന്നവർക്കാണു മുൻ ഗണന. എങ്കിലേ ഭാവി ജീവിതത്തിൽ അവർ നല്ല സഹയാത്രികരാകൂ. പുതു തലമുറയുടെ ഉള്ളിലെ വിവാഹ സ്വപ്നങ്ങൾ കേട്ടാലോ?

വരില്ലേ നീ വരില്ലേ...