മെഡിക്കൽ ഇൻഷുറൻസ് എടുക്കും മുൻപ്...

അപ്രതീക്ഷിതമായി നിരവധി പ്രതിസന്ധികൾ നേരിടേണ്ടി വരും നമുക്ക്. ഒട്ടും സമയം പാഴാക്കാതെ ഉടൻ ചെയ്യേണ്ടത് എന്താണെന്നു പറയുന്ന പംക്തി. ഈ ലക്കം കെ.കെ.ജയകുമാർ, പഴ്സനൽ ഫിനാൻസ് അസിസ്റ്റന്റ് എൻറർപ്രനർഷിപ് മെന്റർ

- കെ.കെ.ജയകുമാർ

ആരോഗ്യ ഇൻഷുറൻസ് എടുക്കാൻ തീരുമാനിച്ചു. എന്തൊക്കെ കാര്യങ്ങൾ ശ്രദ്ധിക്കണം?

ചികിത്സയ്ക്ക് പണം കണ്ടെത്താൻ രാജ്യത്തു ലഭ്യമായ ഏറ്റവും ലളിതമായ വഴിയാണു മെഡിക്ലെയിം ഇ ൻഷുറൻസ് പോളിസികൾ. കവറേജ് തുകയുടെ പരിധിക്കുള്ളിൽ ചികിത്സയ്ക്കു വേണ്ടി വരുന്ന തുക നിബന്ധനകൾക്കു വിധേയമായി ലഭ്യമാക്കുന്ന പോളിസികളാണു മെഡിക്ലെയിം പോളിസികളും ഹെൽത് ഇൻഷുറൻസ് പോളിസികളും. അതുകൊണ്ടു തന്നെ ഒരു പോളിസി എടുക്കും മുൻപ് അതേക്കുറിച്ച് ധാരണയുണ്ടാക്കാം.

ശ്രദ്ധയോടെ 6 കാര്യങ്ങൾ

1. പോളിസി അറിയുക- ചികിത്സാ ചെലവിനു കവറേജ് നൽകുന്ന രണ്ടു തരം പോളിസികളുണ്ട്-മെഡിക്ലെയിം പോളിസികളും ഹെൽത്ത് ഇൻഷുറൻസ് പോളിസിയും. ചികിത്സാ ചെലവിനുള്ള പണം രണ്ട് പോളിസികളും നൽകുന്നുണ്ട് എങ്കിലും കവറേജിൽ രണ്ടും തമ്മിൽ വ്യത്യാസമുണ്ട്.